Ich^a) graff Ott von Tierstein lantrichter in Thurgew¹ vergich vnd thun kunt menglichem mit disem brief, das ich an der hochgebornen fursten miner gnadigen herren der hertzogen L von Ostenrich statt vff dem lantag by Winterthur² in der grafschaft ze Thurgew an dem nechsten frytag vor der alten vasnacht offenlich ze gericht sass, vnd kam fur mich in geLrichte des erwirdigen herren abt Kunen des gotzhusz ze sant Gallen³ gewisse botschaft mit sinem vollem gewalt, des die selb botschaft brief vnd insigel vor mir erzoigten, vnd baten L inen mit ir fursprachen ze verhorenne die friheit vnd gnad, so der durluchtig furste kung Wentzlaw Romscher kung dem vorgenanten abte vnd allen sinen gotzhuses luten, die er jetzunt hat oder her nach gewinnet, gegeben vnd von sundern gnaden getan hat, die von wortt ze wortt an disem brief also verschriben stat: Es folgt der Text von Nr.5743. Vnd do der brief vor mir verhort vnd gelasen ward, do batten in die obgeschriben botschaft ze erfarn an einer vrteil, ob der vorgenant apt Kun von sant Gallen sin gotzhus vnd lute, die er jetzunt hat oder noch gewint in kunftigen ziten, wo die gesassen oder wie die genant sind, es syen eigen oder lehen pfantlute vogtlute oder dienstlute, der obgeschribnen friheit vnd gnad icht billich geniessen solten vnd ob ich inen des selben briefs icht billich ein vidimus, dz man nempt ein abschrift, geben solt. Da ward nach ir offnung vnd nach miner frag erteilt mit gesamnoter vrteil vff den eid, dz die obgenanten abt Kun vnd alle sin lute, alz jetz geoffenbart ist, der vorbenempten gnad vnd friheit billich geniessen sollent alz ferre, dz ich von inen nit richten sol nach lutt vnd sag der egenanten friheit vnd dz ich inen och des selben briefs billich ein vidimus geben solte. Vnd des ze einem offnem vrkunde der warheit vnd einer zugnuste diser sache so han ich der obgenant lantrichter des lantgerichtz insigel in Thurgew, alz vrteil vnd recht geben hat, offenlich gehenkt an disen brief. Der geben ist an dem obgenanten lantag in dem jare, do man zalte von Cristus geburte drutzehenhundert siben vnd in nuntzig jaren.