In^a) nomine domini amen. Per hoc presens publicum instrumentum cunctis ipsum intuentibus pateat evidenter, quod sub anno nativitatis L eiusdem millesimo trecentesimo nonagesimo septimo, indictione quinta, pontificatus sanctissimi in Christo patris et domini domini Bonifacii digna L dei providencia pape noni anno VIII^o, mensis septembris, die secunda, hora vesperarum in civitate Constanciensi in stupa consulum L ibidem in mei notarii publici et testium subscriptorum presencia personaliter constituti prudentes et circumspecti viri Cuonradus Raiser magistercivium¹, Cuonradus Hagen advocatus² et Johannes Winterberg civis civitatis Constanciensis, Wolflinus Scherer et Hainricus Kumnusa cives oppidi Rauenspurg³, Johannes Ledergerwe et Johannes Blaicher cives oppidi Lindow⁴ et Leonhardus Payger civis oppidi sancti Galli consules civitatum et oppidorum imperialium prenominatorum ac civitatis et oppidorum eorundem ligam seu universitates colligatas in hac parte representantes et nuncii specialiter ad hec deputati et congregati pro se et omnibus ac singulis universitatibus civitatum et oppidorum necnon universitatibus oppidorum imperialium in Wangen⁵ et in Buchorn⁶ dictis civitati et oppidis similiter colligatorum Constanciensis diocesis, quarum ultimo nominatarum universitatem mandatum auctoritatem potestatem et consensum habebant in hac parte, prout coram me litteris patentibus earundem universitatum sigillis sigillatis docuerunt, ac omnium et singularum universitatum earundem et lige predicte nomine quibusvis melioribus modo via forma et causa, quibus efficacius fieri potuit, fecerunt constituerunt et ordinaverunt ac presenti instrumento faciunt constituunt et ordinant honorabiles viros dominos Erhardum Naslos, Fridericum Deys et Conradum Sachsen prothonotarium civitatis Constanciensis sepedicte suos veros et legitimos procuratores et nuntios speciales et quemlibet eorum insolidum, ita quod non sit melior condicio occupantis nec deterior subsequentis, sed quod per unum inceptum fuerit, per alium ipsorum mediari valeat et finiri, ad concordandum consenciendum et compromittendum in concordiam transaccionem compartacionem^b) seu amicabilem composicionem per dictum dominum nostrum papam inter peritum virum magistrum Johannem Tunnbach ex una et predictas universitates civitatis Constanciensis et in Rauenspurg, in Lindow, in sancto Gallo, in Wangen et in Buchorn oppidorum imperialium predictorum parte ex altera secundum modum formam condicciones moderaciones et obligaciones, quem et quas idem dominus noster papa ac reverendissimus in Christo pater et dominus dominus cardinalis Monopolitanus⁷ provido viro magistro Conrado Sachs prothoscribe dicte civitatis Constanciensis antedicto per ipsas universitates ad curiam Romanam dudum, ut asserebant, transmisso, prout idem magister Conradus abinde reversus super hoc eisdem universitatibus seu consulibus universitatum earumdem copiosam fecerit relacionem, ut dicebant, intelligere dederunt de et super causa seu causis inter easdem partes diutius in dicta curia Romana et extra ventilatis et pendentibus, ac omnibus et singulis accionibus altercacionibus impeticionibus questionibus litibus discordiis et contraversiis necnon expensis et sumptibus litis et litium ac aliis quibuscumque prenominatis universitatibus ex una et dicto magistro Johanni parte ex altera quomodolibet et ex quibuscumque causis usque in diem hodiernam hincinde mutuo contra seu adinvicem competentibus seu competere valentibus modo quovis et ad compromittendum, ut sic et sub pretactis modo forma condicionibus moderacionibus obligacionibus in dictum dominum nostrum papam Bonifacium prenominatum et ad vallandum huiusmodi compromissum per iuramentum in animas constituencium predictorum et quo supra nomine per se prestandum vel alia quavis pena competenti eciam sub pena camere apostolice ad cavendumque et promittendum atque iurandum dictarum universitatum nomine, quod eedem universitates pronunciacionem ipsius domini nostri pape iuxta pretactos modum et formam limitandam firmam ratam et gratam habebunt tenebunt et observabunt bona fide, necnon ad petendum et recipiendum recongniciones et quitaciones de peccuniis quibuscumque dicto domino nostro pape et quibusvis aliis occasione premissorum pro parte universitatum earundem exsolutis sive solvendis et nichilominus omnia et singula alia faciendum gerendum et exercendum, que veris et legitimis procuratoribus a lege vel canone sunt concessa et que circa premissa fuerit necessaria vel oportuna et qui ipsimet facere possent, si presentes essent et si mandatum quantumcumque speciale exigant et requirant. Promiserunt quoque dicti constituentes fidedata nomine sacri michi notario publico stipulanti et recipienti vice et nomine omnium quorum interest se ratum et gratum habituros, quidque per dictos suos procuratores aut alterum eorundem actum procuratum fuerit in premissis sive gestum, pro ipsis quoque iudicio sisti et iudicatum solvi sub rerum suarum omnium obligacione et ypotheca, et ut de premissis unum vel plura publicum vel publica confiterem instrumentum vel instrumenta, dicti constituentes me notarium publicum subscriptum requisiverunt. Acta sunt hec anno indictione pontificatu mense die hora et loco quibus supra presentibus discretis viris Johanne Schad scriba dicti Conradi Sachs, Hainricus Schiter de Walse⁸, Oswaldo Alsser de Kayserstul⁹, Conradus Bessrer et Conradus Bischof de Vberlingen¹⁰ Constanciensis diocesis testibus ad premissa vocatis specialiter et rogatis. (ST) Et ego Conradus Walker de Scaffusa¹¹ clericus Constanciensis diocesis publicus imperiali auctoritate et curie Constanciensis notarius iuratus, quia dictorum procuratorum constitucioni omnibusque et singulis aliis premissis una cum prenominatis testibus tempore et loco quibus supra presens interfui eaque sic ut premittitur fieri vidi et audivi, idcirco presens instrumentum manu mea propria scriptum exinde confeci et in hanc publicam formam redegi signoque meo solito consignavi per dictos constituentes rogatus et requisitus in testimonium omnium premissorum.