Wir Fridr.1 etc. bekennen offenlich mit dem br(ie^f, als wir vnserm lieben getr(eweⁿ Hermann dem Gremlich vnserm vogt zu Rynegg² vor zeiten benandt hetten vierhundert phund haller zu purkhut daselbs jerlich, dieweil er also dies(el^b vnser vogtteyn verwese vnd innhiet, zu geben vnd von den nutzen daselbs zu wideruarn lassen nach des briefs sag, den er von vns darumb hat, vnd aber im von solicher leuffen vnd kriegen wegen, die vns sydher da oben derstanden vnd auffgelauffen sind, mer gesindes vnd kost durfft ist wan vor solichen leuffen vnd kriegen, als wir des kuntlich beweiset sein, hat er an vns begert, solh purkhut im zu hohern. Da haben wir angesehen sein notdurfft vnd haben dadurch vnd auch vmb solich besunder gnad vnd getrewen, so wir hintz im haben, auf die egenant summ seiner purkchhut der vierhundert phund haller ditz gegenwurtig jar allain geslagen zway hundert phund haller, das wirdt also sechshundert phund haller, die im dasselb gegenwurtig jare, das ist von nu sant Merteins tag nechstuergangen vntz auf sant Merteins tag schieristkumftigen, von den nutzen daselbs zu Rynekg zu ergetzunge solher seiner kost vnd zerung geuallen vnd wideruarn sullent. Wer aber, daz die nutz daselbs das gegenwurtig jare souerr nicht geraichten, daz er der dauon mocht gar aussgericht werden, was denn er oder sein erben daran dasselb jar abganges hietten, das sol in von dens(elbeⁿ nutzen des nechsten jares darnach gentzlich vnd ane all abgeng wideruarn vnd geuallen ane alles verziehen vnd geuerde. Mit vrk(un^d ditz briefs. Geben ze Schafhusen³ an donrstag vor der mannvasnacht anno domini etc. CCCCVto.