In^a nomine sancte et individue trinitatis amen. Nos Fridericus dei gratia dux Austrie¹ Styrie Karinthie et Carniole comes Tyrol(ensi^s etc. ad perpetuam||
rei memoriam. Etsi de innate nobis pietatis clementia viros religiosos generaliter faveamus, illorum tamen specialiter commodo, quorum noticiam vitamque||
laudabilem nostrorum nobis subditorum fideliumque commendat assertio et fama contestatur communis, tanto frequentiori pulsamur affectu, quanto||
ex hiis notiori sue religionis solidamur indicio certiorique experientia edocemur. Hinc est, quod nos attenta iugi devotionis exhibitioni, qua venerabiles et religiosi viri abbas et conventus monasterii sancti Johannis in Thurtal² Constan(tiensi^s diocesis nobis se reddiderunt bone opinionis redolen(ti^a gratiores, pensataque paupertate, quam hactenus sustulisse noscuntur, utpote adhuc degentes modo videntur, volentes eorum necessitati mense eorum beneficii munere misericorditer subvenire et statui bono providere, nos igitur eorum precibus inclinati satagentes nicholominus in eo inclite memorie progenitorum ac illustrium principum fratrum nostrorum et nostre seu heredum ac successorum nostrorum animarum saluti consulere, matura deliberatione prehabita predicto abbati et conventui monasterii sancti Johannis, quos ob virtutum suorum merita singularibus favore et gratia prosequimur, suisque successoribus universis iuspatronatus ac dominium et proprietatem, que nobis in ecclesia parrochiali Getzis³ sita iuxta Clusnam⁴ diocesis Curiensis competiisse dinoscuntur, prout nunc competivit, quorumque quasi possessionem pacificam dicti progenitores nostri et nos a tempore, de cuius contrario memoria non existit, habuimus et tenuimus, prout hodie habemus et tenemus, iure proprietatis perpetuo possidend(u^m, prout illa hactenus possedemus, nostro ac dictorum fratrum omniumque heredum et successorum nostrorum vice ac nomine, prout melius potuimus et valuimus, ex certa scientia tradidimus donavimus et confirmavimus menseque sue, quantum nobis a iure permittitur, tradimus donamus confirmamus et incorporamus, quasi possessionem earundem ipsis et monasterio predicto effectualiter largiendo presentium per tenorem, omne ius dominium ac proprietatem in ecclesia ipsa, utpote premittitur, nobis a dictis fratribus, quorum vices in hac parte gerimus, seu heredibus ac successoribus nostris quomodolibet competens seu quod nobis quomodocumque competere potuit usque in presentem diem, in ipsos abbatem et conventum ac successores eorum penitus ac integraliter conferendo. Nullum tamen penitus per hanc nostram traditionem confirmationem et incorporationem rectoris ecclesie predicte seu titulum habenti in eadem, qui pro tunc fuerit, volumus preiudicium generari. In cuiusquidem traditionis donationis confirmationis et incorporationis ac possessionis evidentiam presentes litteras iussimus nostri sigilli appensione muniri. Dat. in Schaffhusa⁵ vicesima prima die mensis iunii, anno domini millesimo quadringentesimo sexto. D(ominu^s d(u^x per se p(res^ent(e^s cons(ule^s.