Wir^a Friderich von gots gnaden hertzog ze Osterrich¹ ze Steyr ze Kernden vnd ze Krain||
graf ze Tyrol etc. tun kunt, wan die erbern weisen vnser lieben getrewen .. die burger||
ze Raperswil² mit alter gewonhait herbracht haben, daz sy von andern gerichten||
ausspurger zu in in vnser statt Raperswil genomen vnd emphangen haben, also haben wir in dieselben ir gewonhait vnd herkomen vernewet vnd bestêtt mit craft ditz briefs vnd wellen auch, daz sy hinfur auss allen andern gerichten ausspurger zu in in die egenant vnser stat Raperswil zu mitburgern aufnemen vnd emphahen mugen. Vnd wêre auch, daz in das vormalen mit dhainerlay briefen abgeschriben oder verbotten wer, das nemen wir ab von furstlicher macht mit dem brief vnd wellen, daz das kain kraft hab noch in an solichen iren alten gewonhaitten vnd herkomen dhainen schaden bringen sull in dhain weis, ane geuerde. Mit vrkunde ditz briefs. Geben ze Rotemburg am Nekcher³ an mittichen nach sant Lutzien tag nach Krists gepurd in dem viertzehenhundertestem vnd dem sechsten jare.