Allen den, die disen brief ansehent oder horent lesen, kund ich Cunr. Grossman von Nunbrunnen¹ vnd vergich offenlich mit disem brief, dz ich vnd alle min erben, ob ich enwar, redlich vnd recht schuldig syen vnd gelten sollent den edlen wolgebornen minen gnedigen herren vnd frowen graff Wilhelm von Môntfort herren ze Bregentz² vnd frow Kungund siner elichen frowen von Toggenburg³ geborn vnd iren erben, ob si enwarint, dru hundert pfund pfen(nin^g guter vnd genamer Costentzer muns ald anderlay guter muns, die denn dar fur geng vnd gab ist, die ich inen schuldig worden bin von der vangnust wegen, dar inne si mich ietz ettwelang gehebt hânt, vnd mit dem selben gelt ich mich och von inen^a vsser derselben vangnust geledget hân, vnd an derselben geltschuld sollen ich ald min erben inen oder iren erben hundert pfund pfen(nin^g der egenanten muns vff den nahstkunftigen sant Walpurgs tag ze ingendem mayen vnd hundert pfund pfen(nin^g vff sant Johans tag des Toffers ze sunnwendi vnd aber hundert pfund pfen(nin^g derselben egenanten muns vff sant Gallen tag, so nu schierost koment nach datum dis^b briefs, fur allermenglichs verheften verbieten vnd entweren vnd ân alli furwort zu iren ald zu iro gewisser botten handen vnuerzogenlich ân allen iren schaden^c weren vnd bezalen. Vnd hân inen dar vmb zu mir vnd minen erben^d ze rechten burgen vnd giseln geben vnd versetzt den fromen vesten Vlrichen von Munchwille⁴ vnd die wolbeschaiden Hainin Maiger burger ze Wil⁵, Hansen Schmid von Tannegg⁶ vnd Cunin Rost von Lomes⁷ alle vier gemainlich vnd vnuerschaidenlich, mit solicher gedingd beschaidenhait vnd in dem rechten, beschach dz ich ald min erben den egenanten minen gnedigen herren vnd frowen ald iren erben die vorgeschriben dru hundert pfund pfen(nin^g nit gantzlich vssrichtint vnd bezaltint vff die zil vnd in der wis vnd mâzz, alz vor beschaiden ist, wie si denn nach jeklichem der vorgeschriben zilen von souil geltz wegen, dar vmb denn zil vnd tag vzz ist, ze schaden koment, si nêmint souil geltz vff mich vnd min erben vnd vff die egenanten burgen an schaden, des si och vollen gewalt haben sont, si standint dar vmb an schaden oder man nems vff si ze schaden, ald kamint si ald ir helfer, wer die sint, des ald hie von suzz^e ze dehainem schaden von gerichtes gaistlichs ald weltlichs von pfendentz von angriffentz von klag von zerung von nachvaren ritten ald senden von botten von briefen von sumsali ald von dehainer andren redlichen sach wegen, den schaden allen mit dem hoptgut, so denn ze buz veruallen^f, sollen ich vnd min erben vnd die obgenanten burgen inen allweg vnuerzogenlich bi guten truwen^g vssrichten vnd si dar vmb gantzlich entschadgen ân alle widerred ân geuard. Tatten aber wir daz nit also vnuerzogenlich bi der ersten vordrung, wenn ich ald die obgenanten burgen denn^h dar nach dar vmb sament ald besunder gemant werdentⁱ von mund ald mit botten ald briefen ze hus ze hof ald vnder ogen^k, daz obgenant gelt^l stand an schaden oder nit, so sollen^m vnser ieklicher, der also gemant wirt, bi geswornem aid, so ich vnd die obgenanten burgen alle dar vmb liblich ze den hailgen gesworn haben, sich mit sin selbes lib oder mit ainem gewachsnen kneht vnd mit ainem mussigen pfarit nach der manung inewendig aht tagen den nahsten ân alli furwort stellen vnd antwurten gen Frowenfeld⁸ in die statt oder gen Spiegelberg⁹ inⁿ die vestin ald vorhof, wederthalb hin denn jeklicher gemant wirt, in offner wirtes huser vnd da recht vnuerdingot kuntlich vngeuarlich giselschaft ze vailem koff laisten vnser jeklicher besunder^o zwai rechti giselmal jekliches tags jemer vnd alz lang, vntz dz die obgenanten min gnediger herr vnd frow ald iro erben der obgenanten geltschuld, so denn ze buz veruallen ist^p, vnd alles schadens, so denn in dehain wis dar vff gangen war, gantzlich vssgericht vnd bezalt werdent ân allen iren schaden. Vnd war ob der vorgeschriben burgen dehainer nit also laisti, so er gemant wurdi, ald an der laistung bruchig wurdi, der vnd sin erben^q, iro sye ainer oder mer, sol denn zestett vnd dannan hin jemer mer^r vmb die obgeschriben buzz vnd^s geltschuld vnd vmb alle schaden rechter schuldner vnd angult sin vnd haissen in glicher wis vnd rechten, alz ich vnd min erben ietz dar vmb haft vnd gebunden syen ân geuard. Vnd wenn sich och je nach der manung, alz ich ald die burgen gemant werdent, dry wochen die nahsten erloffent, wir laistint oder nit ald daz gelt stand an schaden oder nit, so hânt die obgenanten min gnediger herr vnd frow ald weders vnder inen daz tun wil ald iro erben vnd alle iro helfer, wer inen des helfen ald daz von iro wegen tun wil, dar nach allweg, wenn si went, vollen gewalt fryes vrlob vnd recht, mich vnd die obgenanten burgen vnd min vnd der bruchigen burgen erben ainen oder mer^t, welhi si denn je went, sament ald besunder dar vmb vffzetribent anzegriffent ze heftent ze notent vnd ze pfendent mit welherlay gerichten si went vnd ân gericht an allen vnsern nutzen zinsen vnd gutern ligenden vnd varenden, so wir an dehainen dingen jendert haben hienach gewinnent ald erwerbent in stetten in burgen in dorffern in gerichten vnd vsserthalb vff dem wasser vnd vff dem land vnd anderswâ allenthalben, wenn wa vnd wie si went vnd inen daz kamlich ist ân geuard, vntz dz si vnd ir helfer dar mit allweg des obgenanten^u hoptgutz vnd buzz^v vnd alles schaden, so denn von der sach wegen dehains wegs vffgeloffen ist, dar mit gantzlich vssgericht vnd bezalt werdent ân all iren schaden ân geuard^w, vnd sollen ich vnd min erben vnd die obgenanten burgen da zwischan allweg nihtz dester minder gebunden sin ze laistent, alle die wil si dar^x vmb^y nit also alleklich vssgericht sint, ân geuerd. Vndz-) wenn och ich ald min erben ald die obgenanten burgen je die buzz, so ich denn veruallen bin, vnd den schaden, so dar vff gât, gewerent vnd vssgerichtent, so sont die obgenanten burgen denn ze mal dar vmb ledig sin, die wil ich kein ander buz nit mer veruallen bin, vnd hânt doch die obgenanten min herr vnd frow vnd ir erben vnd nachkomen ald wer daz von iro wegen tun wil allweg vollen gewalt vnd recht, mich an minem lib vnd gut anzegriffent allenthalben, wa vnd wie si went, vntz dz si mich allweg darzu bringent vnd (aⁿhaltent, dz ich inen vmb alli vorgeschriben stukk gnug getun in solicher wis, alz vor beschaiden ist, ân geuerd-z). Gieng och inen der obgenanten burgen dehainer ab von todes wegen ald suzz her zu vnnutz wurdi, wie ald von waz sach sich dz fugti, so sollen ich vnd min erben inen allweg nach ir vordrung inwendig viertzehen tagen den nahsten ainen andren alz nutzen vnd schidlichen burgen an desa^a abgangnen ald vnnutzen statt, alz der erre waz, in aller vorgeschriben sicherhait wis vnd bedingnust geben vnd ersetzen, oder ich vnd die andren belibnen burgen sollen dar vmb laisten, wenn wir gemant werdent, in aller vorgeschriben wis, vntz dz geschiht. Vnd sol mich nocha^b die obgenanten burgen noch vnser erben noch dehain vnser gut wider dehaini vorgeschriben ding nit dekken friden noch schiermen dehain gelait gericht gesetzt gewalt gebott recht frihait noch gnad gewonhait krieg frid vnfrid buntnust burgerrecht lantrecht landfrid verainung gewonhait noch dehain sach, so ze schierm jeman suzz ald so erdenken kan, wan ich vnd die obgenanten burgen vns des alles vnd aller andren sachen furzug vnd listen, so ze schierm jeman erdenken kan, in diser sach ledklich vnd och gantzlich verzigen haben ân geuard. Wie ald welhen weg och die obgenanten burgen ald iro erben hie von in dehain wis ze schaden koment, dar von sollen ich vnd min erben si bi geswornem aid ân alle widerred ledgen vnd gantzlich entschadgen, vnd hân inen dar vmb pfandung vnd angriffa^c erlobt in glicher wis vnd rechten alz den obgenanten minen gnedigen herren vnd frowen vngeuarlich. Des alles ze warem offem vrkund vnd bestaten sicherhait so hân ich obgenanter Cunr. Grossman min insigel fura^d vnd alle min erben offenlich gehenkt an disen brief. Dar nach veriehen wir Vlrich von Munchwille, Haini Maiger, Hans Schmid vnd Cuni Rost burgen da obgenant ainer gantzen sichren warhait aller vorgeschriben dingen vnd dz wir alle vier vnuerschaidenlich dis burgschaft in aller wis vnd mazz, alz hie vor beschaiden ist, vff vns genomen vnd die also gelobt vnd liblich ze got vnd ze den hailgen gesworen haben. Des ze merer zugnust vnd sicherhait so hân ich egenanter Vlr. von Munchwille och min insigel fur vns alle vier offenlich gehenkt an disen brief, vnder dasselb insigel och wir ietzgenanten Haini Maiger, Hans Schmid vnd Cuni Rost, wan wir aigner insigel nit hânt, vns wilklich verbunden haben, wâr vnd statt ze haltent vnd ze lassent alles dz, so von vns an disem brief geschriben stât. Der geben ist ze Wil nach Cristz geburt VIIIo an dem zinstag in der hailgen osterwochen.