Wir^a Friderich von gots gnaden hertzog ze Oster(reic^h1 ze Steyr ze Kernden vnd^b ze Krain graf ze Tyrol etc. tun kunt, daz wir vnsern lieben getrewen Hannsen||
von Bodmen² vnd Lienharten von Jungingen³ vnsern reten vmb ir vestikayt vnd getrew dienste, die sy vns lang zeit getan hant vnd noch wol getun sullen||
vnd mugen, vnser herschaft land vnd lewt ze Veltkirch⁴ ze Reinegg⁵ im Reyntal⁶ im Pregentzer wald⁷ vnd gemainlich vberal in der grafschaft ze Veltkirch vnd||
das dartzu gehort, ingeben vnd empholhen haben vnd sy da ze vogten vnd hauptlewtten gesetzt, also daz sy dieselben vnser herschaft gemain mit ainander innhaben verwesen vnd in allweg ausrichten land vnd lewt versorgen beschutten beschirmen in friden setzen vertretten vnd versprechen sullen ze tegen ze taydingen, wa sy des bedurffen vnd von in angerufft werden, nach irem vermugen getrewlich vnd an alle geuerd. Sy sullen vns auch vnser vesten Veltkirch Reynekg vnd die Clausen genandt Newn Montfort⁸ in irem kosten besetzen behutten vnd wol versorgen, daz sy vns die wissen wider ze antwurtten, vnd vns oder vnsern erben mit denselben vesten vnd dem gantzen lande gehorsam vnd gewerttig sein vnd darnach vnsern brudern vnd erben mit gantzen trewen an all geuerd. Vnd darumb so haben wir in fur ir mue vnd ze jarsold geordent vnd verhaissen acht hundert Reynischer guldein, die in ain yeglicher vnser amptman alle jar ausrichten vnd bezalen sol von vnsern nutzen, die daselbs geuallen, an alles vercziehen vnd scheden. Wer es aber, daz icht vnrats darein vyel, damit vns die nutz irr wurden vnd vns nicht geuallen mochten, so sullen wir in doch die egenanten acht hundert guldein von andern vnsern nutzen anderswa geben vnd sy darumb ausrichten an allen iren schaden vngeuerlich. Wer es auch, daz sy dhainrlay kost vnd zerung litten oder hetten von vnser oder der vnsern wegen, es wer mit bottenlon oder susst mit taglaysten, die ausserhalb der egenanten herschaft gelangten, die sullen wir in auch pflichtig sein ze geben in der massz, als vor geschriben stat, ane geuerd. Was auch sy auff kryeg legten, die sy von vnsers haissens wegen vnd mit vnserm willen tetten, es wer ausserhalb oder innerhalb der egenanten herschaft, die sullen wir in auch ausrichten vnd bezalen, als vor begriffen ist, auch ane geuerd. Vnd also emphelhen wir vnsern lieben getrewen allen vnsern burgern vnd lantlewtten gemainlich reichen vnd armen in den obgenanten vnsern herscheften Veltkirch Reynekg im Reyntal im Bregentzer wald vnd allen den, die in die herschaft gen Veltkirch gehoren, daz sy den egenanten .. dem von Bodmen vnd dem .. von Jungingen in all weg gehorsam gewerttig hilfflich beygestendig getrew vnd willig sein vnd in alles das tun, daz sy ainem vogt schuldig vnd gepunden sint, ane geuerd. Daran tund sy all vnd yeglich vnsern willen vnd ernstliche maynung. Mit vrkund ditz briefs. Geben ze Rotemburg am Nekcher⁹ an freytag vor dem sunnentag Cantate nach ostern nach Christs gepurd in dem vyerczehenhundertestem vnd dem achtenden jare.