Wir^a graff Fridrich von Toggenburg¹ graff ze Brettengow² vnd ze Thafas³ tund kund allermanklichem vnd veriehent offenlich mit||
disem brief, das wir recht vnd redlich verkoft haben drutzehen pfunt pfenning alles guter vnd genamer Costentzer muns jarlichs||
ewiges geltes vnd zinses, das vnser recht aigen ist, die selben drutzehen pfunt pfenning geltz man nempt zins pfenning||
schaff pfenning gaiss pfenning vnd mertzen stur vnd die vns jarklich wurdent vff sant Martis tag an allen abgang vnd minnrung vss vnd ab allen den gelegenen gutren inwendig der Wildenburg⁴ gelegen gegen dem closter ze sant Johann in Thurtal⁵ gelegen vnd obwendig dem Linsin Steg⁶ gelegen, vnd hant die vorgenanten drutzehen pfunt pfenning jarlichs ewiges geltes, als vorgeschriben ist, aines rechten redlichen ewigen bestaten vnwiderrufflichen koffes fur vns vnd alle vnser erben vnd nachkomen ze koffen geben den landluten gemainlich ze der Wildenburg vmb zway hundert vnd sechtzig pfunt pfenning alles guter vnd genamer Costentzer muns, des selben geltes wir ouch gar vnd gentzlich von inen bezalt sint nach allem vnserm willen. Vnd dar vmb so habent wir vns fur vns vnd vnser erben vnd nachkomen gen den vorgenanten landluten allen gemainlich ze der Wildenburg vnd gen allen iren erben vnd nachkomen an den vorgenanten drutzehen pfunt pfenning ewiges geltes vnd zinses vss vnd ab den vorgenanten gutren verzigen aller aigenschaft aller lenschaft aller manschaft alles tails aller gemaind aller besatzung aller gewer aller kuntschaft aller zugnust lut vnd brief vnd rodel alles rechten gaistlichs vnd weltlichs gerichtes aller vordrung clag vnd ansprach, so wir vnser erben vnd nachkomen oder ieman ander von vnser wegen oder an vnser statt dar an gar oder an dehainen tailen konden oder mochten gewinnen oder gehaben in dehain wis ald weg, mit dehainen dingen an alle geuerde, vnd verzihent vnd entwerent vns ouch des alles mit disem brief. Wir habent ouch gelopt bi guten truwen vnd lobent ouch vesteklich mit disem brief fur vns vnser erben vnd nachkomen, der vorgenanten drutzehen pfunt pfenning jarlichs ewiges geltes vnd zinses vss vnd ab den vorgenanten gutren, als vorgeschriben stat, der vorgenanten landluten vnd ir erben recht gut getruw wer ze sind fur recht aigen gen menklichem vff gaitlichen vnd weltlichen gerichten vnd allenthalben, wenn wie wa vnd als dik, so es ze schulden kunt, vnd das wir su vnd ir erben dar vmb allwegen verstan vnd gentzlich von allen ansprachen entrihen vnd ledigen sont an allen iren schaden, ob su dar vmb von iemann vfgetriben oder angesprochen wurdin, an alle geuerde. Wir habent ouch die vorgenanten landlut ze der Wildenburg vnd ir erben in liplich hablich nutzlich gewer gesetzet vnd setzent ouch su vnd ir erben dar in hablich mit kraft dis briefs. Vnd sint ellu vorgeschribeni ding beschehen vnd vollefurt mit aller ehafti handvesti gewarsami worten werchen raten vnd getaten, so darzu gut nutz vnd notdurftig waren vnd darzu gehorten von recht vnd von gewonhait vnd als es nu vnd hienach gut kraft vnd macht hat vnd handvesti haben sol. Vnd des alles ze ainer gantzen waren staten sicherhait aller vorgeschribener ding, so von vns an disem brief geschriben stat, so hand wir graff Fridrich von Toggenburg da vorgenant vnser insigel fur vns vnser erben vnd nachkomen offenlich gehenket an disen brief. Der geben ist ze Liechtistaig⁷ in vnser statt an sant Gallen abent, do man zalt von Cristus geburt vierzehenhundert jar vnd dar nach in dem ahtonden jar.