Wir^a Fridreich von gots gnaden hertzog ze Osterreich¹ ze Steyr ze Kernden vnd ze Krain graf ze Tyrol etc.||
tun kunt von der funfhundert guldein wegen, die wir den von Zurch² schuldig warn von ayner nam||
wegen, die in ze Raperswil³ geschach, darumb vnsern leuten von Raperswil etleich ire guter in haft gelegt||
waren, dieselben vnser leut, als sy mit namen hernach geschriben steent, ire guter selber geledigt vnd die von Zurch vmb das haubtgut funf hundert guldein vnd funf vnd zwaintzig guldein scheden, die darauf gangen sind, ausgericht vnd bezalt haben, also haben wir in fur dieselben funfhundert vnd funf vnd funf vnd zwaintzig guldein in aynes rechten werenden phandsweys ingesetzet ir yegleichem nach seiner anzal ayn summ kerns aus vnserr muly ze Raperswil. Des ersten Hainreichen dem Rawssinger fur anderthalb hundert guldin achtzehen mut kern, item Rudolfen Tobler fur hundert guldein zwelif mut kern, item Hermann Tobler fur hundert guldein zwelif mut kern, item Hawgen Story von Wallenstat⁴ fur hundert guldein zwelif mut kern, item Hannsen Stapfer fur funftzig guldein sechs mut kern vnd Margreten der Stumplin fur funf vnd zwaytzig guldein drey mut kern, also daz sy vnd ir erben denselben korngelt ierleichen von vnsrer muly daselbs ze Raperswil innemen vnd emphahen vnd auch die ir yegleicher nach seiner anzal in phandsweys nutzen vnd niessen an absleg der nutz, als satzes vnd landsrecht ist, vnd sullen auch vns der losung stattun, wan wir oder vnser erben der mit der egenanten summ an sy begern, vnd darinn nicht ze wort haben noch fursetzen kainerlay sach, die yemant erdenken kund, an all aufsetz arglist vnd geuerde. Mit vrkunt ditz briefs. Geben ze Insprukg⁵ an mitichen nach Jubilate nach Krists gepurde virtzehenhundert jar, darnach in dem çehenden jare.