Wir^a dis nachgenempten Cunrat von Stainach¹ vnd Anna sin elichu frôwe geborn von Knoringen² bekennen vnd tund kund offenlich an disem brief fur||
vns vnd vnser erben allen den, die in ansehent oder horent lesen, das wir mit ainhellem rât vnd guter vorbetrahtunge durch vnsers bessern nutzLes willen ain viertel gutes vnd vngeuarlichs gelutertz kuys smaltzes sant Galler messes vnd vier herbsthunrr ab vnd vsser des^b wis, die||
man nemet des Mullers wis, die ietzo Hansen Mayers ist, gelegen ze Obra Stainach³ vnd ainhalb stôsset an die Stainâh⁴ andrunthalb an vnsern vndern wingarten, den man nemet die Gurgel⁵, vnd ze der dritten sidten an des Gebhartz wingarten, das vnser reht aigen gewesen ist, aines staten ewigen kôffes redlich vnd reht ze kôffent gegeben habin dem erbern Johansen German, den man nemet Sailer, burger ze sant Gallen vnd sinen erben, ob er enwar, vmb funf pfunt vnd funfzehen schilling guter Costentzer pfenning, dero wir gantzlich von im bezalt worden sind vnd die an vnsern offenn nutzz komen sint vnd bewendet. Wir habin im ôch das vorgeschriben smaltz vnd hunrr gelt vfgeben vnd zu sinen handen brâht nach aigens reht mit solicher gedinge vnd in dem rehten, das der vorgenant Iohans Mayer vnd sin erben vnd nachkomen, in dero hand vnd gewalt die vorgeschriben wis iemer kunt vnd die inne hant, dem selben Iohansen Sailer vnd sinen erben vnd nachkomen nun hinnenhîn allerjarlich ie ze sant Gallen tag ân alle abgeng vszug vnd widerred vnd ân allen iren schaden ze rehtem jarlichem zins geben rihten vnd anwurten sont ze sant Gallen in der statt ain viertel gutes gelutertz smaltz vnd vier herbsthunrr, vnd welhes jares das nit geschach, so hât er vnd sin erben vnd nachkomen vnd iro helffer fryes vrlob vnd vollen^c ie nach sant Gallen tag, wenn sy wellent, vff der vorgeschriben wis ze pfendent vnd die anzegriffent mit geriht oder ân reht ân zorn vnd ân klag als vil vnd als lang, vntz sy ie des selben zins, der inen da von vsstund, vnd alles des schaden, in den sy von des selben pfendentz vnd angriffentz wegen komen warint, gantzlich vsgeriht vnd bezalt werdent. Vnd sol vns noch vnser erben noch die, die denn die selben wis inne hant, niht schirmen noch gut sin kain burgreht fryhait gesetzt ainvng gesellschaft weder gaistlich noch weltlich geriht noch niht anders, so ietz ald in kunftigen ziten ieman vsgeziehen ald erdenken kan ald mag, vmb dz so habin wir vns verzigen vnd verzihin vns mit disem offenn brief fur vns vnd vnser erben des vorgeschriben smaltz vnd hunrr geltz mit aller zugehorde aller aigenschaft aller lehenschaft aller kuntschaft aller zugnust vnd gewer lut vnd brief aller vordrung vnd ansprachen aller reht vnd rehtung, so wir ald vnser erben an dem zu dem vnd von des vorgeschriben smaltz vnd hunrr geltz wegen vntz her ie gehebt habin ald noch hinnenhin in kunftigen ziten iemer gehaben oder gewinnen mohtin, vnd daz wir noch vnser erben noch nieman von vnser wegen in noch sin erben noch nachkomen darvmb nit furbas sollent noch wellent ansprechen vftriben noch in kain wis beswarren weder mit gaistlichem noch weltlichem geriht noch ân reht noch mit dehainen andren sachen ân geuerde. Wir habin ôch gelôpt vnd lobin mit disem brief fur vns vnd vnser erben, des vorgeschriben smaltz vnd hunrr geltz mit aller zugehord vnd des kôffes reht weren ze sind nach aigens vnd lehens reht vnd den vorgenanten Iohansen Sailer vnd sin erben darvmb ze versprechent vnd ze verstand an allen stetten gen allermenglich ân allen iren schaden, alz vil vnd als dik sy darvmb angesprochen vnd vfgetriben werdent mit dem rehten. Vnd das dis alles stat vnd vnuerkert belib ietz vnd hienach, so gebin wir baidu dem obgenanten Johansen Sailer sinen erben vnd nachkomen disen brief hieruber gevestnot vnd versigelt fur vns vnd vnser erben mit vnsern aignen anhangenden insigeln. Der geben ward an sant Vitz abent in dem jare, do man zalt von Cristus geburt tusent vierhundert jar, darnach in dem zehenden jare.