In dei nomine amen. Per hoc presens publicum instrumentum omnibus et singulis ipsum intuentibus pateat evidenter, quod sub anno a nativitate eiusdem millesimo quadringentesimo decimo, ind. tercia, pontificatus sanctissimi in Christo patris ac domini domini Iohannis digna dei providentia pape vicesimi tercii anno regiminis sui primo, proxima feria 4a post festum sancti Galli confessoris in stupa superiori domus habitacionis venerabilis in Christo patris ac domini mei domini Cunonis dei gracia abbatis monasterii sancti Galli¹ ordinis sancti Benedicti Const(anciensi^s dyocesis sedi apostolice immediate subiecti in testium meique notarii publici subscriptorum presencia personaliter constituti iam dictus dominus dominus Cuno abbas monasterii sancti Galli et honorabilis dominus Hainricus de Watt² prespiter dicte Const(anciensi^s dyocesis ac Johannes de Watt civis oppidi sancti Galli pater legitimus et naturalis honorabilis et periti viri Vlrici de Watt septem artium liberalium magistri dicteque Const(anciensi^s dyocesis clerici prefatus Johannes de Watt proposuit, quomodo et qualiter ecclesia parrochialis sancti Johannis in Hohst³ dicte Const(anciensi^s dyocesis per mortem quondam domini Johannis Gupsiner novissimi et immediati eiusdem ecclesie rectoris vacaret, cuius quidem ecclesie collacio provisio seu presentacio ad prefatum dominum meum Cunonem abbatem monasterii sancti Galli suprascripti spectaret. Unde supplicavit idem Johannes de Watt proponens prefato domino meo abbati humiliter et devote, quatenus intuitu divini cultus prefatam ecclesiam in Hohst ut sic vacantem cum omnibus suis redditibus iuribus et pertinenciis conferre dignaretur predicto domino Hainrico de Watt ut procuratori et procuratorio nomine magistri Vlrici de Watt suprascripti filii sui. Quibus precibus prefatus dominus Cuno annuens prefato domino Hainrico de Watt tamquam procuratori et procuratorio nomine magistri Vlrici de Watt predicti humiliter coram eo genu flexo alterutrum per iuncturam manuum in dei nomine omni via iure modo et forma, quibus melius et efficacius fieri potuit et debuit, pretactam ecclesiam parrochialem sancti Johannis in Hohst prout supra vacantem cum omnibus suis redditibus iuribus et pertinenciis contulit. Quibus ut sic peractis prefati dominus Hainricus de Watt presbiter et Johannes de Watt laycus pro se et heredibus suis promiserunt in manus mei notarii publici subscripti vice et nomine suprascripti domini mei Cunonis abbatis monasterii sancti Galli et successorum suorum ac monasterii sepetacti sollempniter stipulanti fide data, prefatum dominum meum Cunonem et successores suos ac ipsum monasterium sancti Galli reddere indempnes ac ipsos relevare ab omnibus expensis et dampnis et interesse, quas vel quæ ipsi vel eorum aliquis ac ipsum monasterium in personis ac in rebus suis ac monasterii sancti Galli occasione collationis suprascripte incurrerent seu haberent ac paterentur quovis modo de iure vel de facto per quemcumque vel quoscumque de iure vel de facto quavis etiam auctoritate prefato magistro Vlrico de Watt super ecclesia sancti Johannis in Hohst et iuribus suis prout supra sibi collatis se opponentem vel opponentes, prefatique dominus Hainricus de Watt et Johannes de Watt expresse consentierunt, si quis alter vel si qui alteri prefato domino meo abbati etiam pro collacione ecclesie in Hohst suprascripte instaret vel instarent, quod tunc idem dominus meus abbas cuilibet, quantum ad ius suum et in quantum de iure posset sive valeret, conferret sive conferre posset. Que omnia et singula dum, sic ut premittitur, agerentur et fierent, sepedictus dominus meus Cuno abbas monasterii sancti Galli sepedicti pro se et successoribus suis ac pro suo monasterio me notarium publicum subscriptum instanter requisivit, ut unum vel plura publicum vel publica super premissis conficerem instrumentum vel instrumenta. Acta sunt hec anno domini indictione pontificatu die et loco quibus supra presentibus discretis viris domino Johanne Kilchenmayer presbitero et Beringero Schilting^a layco dicte Const(anciensi^s dyocesis testibus ad premissa vocatis pariter et rogatis. Et ego Johannes Pistor de Gossow⁴ publicus imperiali auctoritate notarius iuratus, quia premissis propositioni narracioni supplicacioni collacioni promissioni sive stipulacioni consensu ac omnibus aliis, dum agerentur et fierent, sic ut premittitur, una cum testibus prenominatis presens interfui eaque sic vidi fieri et audivi, idcirco hoc presens publicum^b