Wir Hartman von gottes gnaden byschoff ze Chur¹ bekennen vnd tund kunt||
menlichem mit disem brief, als Herman Eggler von Appazell² vns versprach||
vnd verhiess ze geben hundert guldin Churer werschaft vnd vns darumb sinen||
brief gab, die selben hundert guldin er vns schuldig ward fur Gerungen von Kuntan³ Herman Wigs sun vnd fur Vlin Zidler von Appazell vnd^a Hansen Vlis Bensels sun von Braitnow⁴, die er vmb das gelt vss vnser vangnust vss nam, da veriehen wir, das der ebenempt Herman vns dess vorgeschriben^b geltes hundert guldin gar vnd gentzlich gewert vnd bezalt hat, vnd sagen darumb in vnd sin erben quit ledig vnd loz. Als och der egenant Herman gezigen ist, er hab her Marquarten von Emptz⁵ vnd andern gesellen geholfen vich nemen den von Appazell vnd hab dz geholfen triben durch die Krinnen⁶ vnd fur Sax⁷ her vber, da ist vns wol ze wissen, das Herman Eggler dabi nit gewesen ist vnd er daran dehain schuld hat. Dez ze vrkund geben wir im disen brief versigelt mit vnserm vffgedrukten insigel. Geben ze Chur an zinstag in der osterwuchen anno domini Mo.CCCCo XIo.