In nomine domini amen. Cuncta que geruntur in tempore, ne simul cum eodem defluant, necesse est, ea scriptorum testimonio roborare. Quamobrem nos Johannes de Rosembergh coram vniuersis tam presentibus quam futuris publice profitentes volumus esse notum, quod in naufragioso statu inter turbines peccatorum laboriosius decertantes adiuuante altissimo portum nitimur cerciorem, iuxta consilium Danielis peccata elemosinis redimendo non per errorem aut inprouide, sed sana mentis vsi racione, ad honorem dei omnipotentis sueque genitricis gloriose virginis Marie et suorum sanctorum omnium laudem et in nostre ac felicis memorie fratris nostri dilectissimi domini Petri remedium animarum venerabilibus et religiosis fratribus ordinis Cisterciensis monasterii in Altouado iugiter deo famulantibus, per nostros predecessores ac progenitores dotato a radice sue fundacionis generosius et erecto, in villa nostra Tyechoraz sex laneos continente, qui omnes pro censu et aliis iuribus minutis quinque talenta sex solidos et viginti denarios soluunt annuatim quinquaginta quinque pullos uel quinque solidos et quindecim denarios ac pro papauere sexaginta denarios, item in villa Schilt sex reyt seu mansos de Kalthprun ipsam villam Schilt intrando in manu dextera ordinarie collocatos et omnes annuatim duas libras et duos solidos denariorum censuantes, dare dignum duximus conferre ac liberaliter assignare prefatas vtilitates sine nostrorum successorum quolibet impedimento tenendum perpetue et habendum, et non per abbatem loci sed per pitantiarium dicti monasterii perpetuis temporibus colligendum, de quo quidem censu idem pitantiarius non alias vtilitates fratrum et monasterii seu pitancie querendo, solum ex hoc nostro singulariter mandato in ecclesia ambitu dormitorio refectuario fratrum noua exstruendo, tecta deinceps tempore succedente in eisdem locis antiqua tecta tenebitur cum diligenti studio reparare. In anniuersario nostro videlicet Johannis antefati de Rosembergh, quod ipsi fratres in dicto monasterio cum vigillis nouem leccionum et alia quauis exequiarum solempnitate velud pro aliis fundatoribus agi solent, perpetuis temporibus peragent, predictus pitanciarus pro||
fratrum pitancia quindecim grossos ac inter inter communes pauperes non sui hospitalis septuaginta denarios Wienenses et septuaginta panes claustrales fideliter et caritatiue in domino largietur, et de pecuniis eiusdem census antedictus pitantiarius coram abbate et conuentu monasterii singulis annis tenebitur fidelem facere racionem; et quidquid in ipsis rationibus remaneret de pecuniis predictis, hac pro futuris temporibus ad ipsa tecta reseruare tenebitur pitanciarius antescriptus. Nos uero Vlricus et Henricus de Rosembergh, dum nos per mortem ipsius domini Johannis aut aliam resignacionem quod dominus deus diu auertere dignetur, vnus nostrum, quem predicti fratris nostri karissimi bona occupare ex eius donacione et possidere continget, tunc promittimus bona fide et sincera ac sine fraude, spondemus eciam sub fidei iuramento, quod prefato fratri nostro, dum in humanis ageret, ad sanctam prestitimus crucem, omnia premissa rata atque fiima inuiolabiliter obseruare. Harum testimonio litterarum quibus sigillum nostrum cum prescriptorum fratrum nostrorum sigillis in robur et munimen de certa nostra sciencia presentibus sunt appensa. Sub anno domini millesimo trecentesimo octuagesimo quinta circa festum sancti Johannis baptiste.

Source Fulltext: PANGERL, Stift Hohenfurth (=FRA II/23, Wien 1865) S. 194-195