Nos Vlricus de Rosenberg tenore presencium vniuersis et singulis profitemur, quia sana cum deliberacione fidelium nostrorum consilio attendente vendidimus vndecim sexagenas grossorum quinquaginta grossos duos denarios census annui in villa nostra Kurzim cum omni iurisdiccione, agris cultis et incultis censibus emendis honoranciis robotis pascuis pratis comunitatibus singulisque prouentibus iuribus et pertinenciis et pleno dominio et libertate, prout soli tenuimus, sic quod nec pro nobis aut nostris successoribus in eadem villa et eius incolis iam condescensis aliquid iuris reliquimus, sed in toto vendidimus wenerabili patri domino Sigismundo abbati et religiosis suis et fratribus monasterii nostri in Altouado vero et iusto vendicionis titulo pro centum decem et octo sexagenis viginti quatuor grossis minus vno denario monete Pragensis iure hereditario ad habendum tenendum regendum possidendum vtifruendum libere et pacifice perpetuis temporibus, prout nosmet et antecessores nostri eandem villam hucusque libere et quiete dinoscimur tenuisse, et pro eadem willa Kurzim a prefatis abbate et conuentu monasterii nostri in Altouado recepimus omnes predictas peractas peccunias nos Vlricus de Rosenberg antedictus. Eadem igitur bona nos Vlricus de Rosenbergh, Mathias Wissnye de Wietrznye, Chwal de Chmelni protunc castri Crupnaw purgrauius, et Petrus de Dluha protunc castri Welessin purgrauius, fideiussores pro et cum ipso domino Vlrico predicto de Rosenbergh omnes indiuisa manu fide nostra bona omni sine dolo volentes dictum abbatem eius et conuentum in huismodi (sic) empcione certos ac securos reddere promittimus, a data presencium ad sex annos continue reuoluendos disbrigare et libertare ante omnes orphanos ante queuis dotalicia ante omnem hominem status cuiuslibet impetentem uel impetere volentem et fideliter ipsis sex annis expletis et decursis in primis quatuor temporibus tunc venientibus aut finaliter in secundus quatuor temporibus proxime tunc sequentibus prefatis abbati suis et fratribus conuentus monasterii nostri in Altouado intabulare ad terre tabulas regni Boemie bonos disbrigatores bonorum eorundem statuentes tunc, veluti ius terre Boemie postulat et requirit. Si vero, quod absit, eandem villam et bona cum omnibus appendiciis superius expressis disbrigare libertare aut intabulare negligeremus aut non possemus, extunc de tot et tantis et tam bonis nostris mundis et liberis propriis hereditatibus, prout dicta bona se extendunt, eciam et tercia parte plus adaucta predictis abbati suis et fratribus condescendere promittimus et debemus, omni occasione et contradiccione procul motis. In casu autem, si nos in huiusmodi bonorum disbrigacione intabulacione aut aliorum in tercia parte plus valencium bonorum condescensione contrarii essemus et negligentes, extune mox et statim duo nostrum, qui primum moniti fuerimus, se per alios non excusantes cum duobus famulis et quatuor equis ingredi tenebimur ciuitatem Crumpnaw ad honestum ibidem hospitem, qui nobis per predictos deputatus fuerit, prestituri ibidem obstagium debitum et conswetum. Nos vero Vlricus de Rosenbergh, si pro faciendo obstagio moniti fuerimus, tunc loco nostri alium famosum clientem in ipsum obstagium poterimus collocare, abinde nos obstagiantes, qui extiterimus, exituri nullo quoquam super iure, nisi prius omnimode disbrigauerimus intabulauerimus bona eadem omnia supradicta, aut in bonis nostris tercia parte plus condescenderimus, veluti superius est expressum. Elapsis vero diebus quatuordecim a predicto obstagii termino continuis prestito per nos obstagio uel non prestito prefatis per nos nondum expletis predicti potestatem habent plenam, quam eis presentibus damus et concedimus, predictas sortis peccunias cum tercia parte plus peccuniarum accrescente conquirendi nostrum omnium super dampna inter Cristianos uel Judeos, nobis tamen semper tam diu dictum seruantibus obstagium, donec per nos prenominatis creditoribus nostris de predictis omnibus satisfactum fuerit plenarie et in toto, ||
eciam de dampnis omnibus et singulis , que predicti per legaciones itineraciones expensas inpensas seu per alium quemuis modum ob nostre negligencie incuriam perceperint et se ea percepisse iuramento in cruce sine cespitacione, quod dicitur bez zmatku asserere presumpserint, satisfacere promittimus in toto, hoc eciam notanter expresso et excepto, quod nos Vlricus de Rosenbergh vna cura heredibus et successoribus nostris predictam villam Kurzim, sicvt superius est tactum, per nos venditam ex speciali et beniuolo consensu abbatis et conuentus monasterii nostri in Altouado, quandocunque voluerimus, eum eadem summa peccuniarum. veluti est vendita, reemere possumus hominis cuiuslibet difficultate qualibet non obstante. Et si quis nostrum medio in tempore diuina permissione mortuus extiterit, vnus aut duo tunc mox infra vnum mensem a die obitus illius uel illorum continuum sub pena similis obstagii, ut predicitur, eque probum uel probos habentem uel habentes nobiscum nos residui statuere spondemus loco defuncti uel defunctorum ad nos pro fideiussore assumentes litteram presentem infringendo et aliam de nouo huic similem renouando, condicionibus tamen in ea verius obseruatis. Et si quis nostrum contra presentem literam se verbo uel facto opposuerit aut aliqua iuramenta prestare voluerit, hoc sit et esse debet in sui ipsius preiudicium, sed non huius litere detrimentum. Et quicunque presentem literam cum bona voluntate et pleno et libero consensu sepetactorum abbatis et conuentus monasterii nostri in Altouado habuerit, eidem ius conpetit omnium premissorum. In quorum omnium testimonium et firmius roboramentum vt omnia premissa in singulis suis punctis et clausulis rata et firma permaneant, sigiila propria nostra de sciencia presentibus sunt appensa. Sub anno domini millesimo quadrigentesimo tricesimo tercio feria sexta ante Margarethe.

Source Fulltext: PANGERL, Stift Hohenfurth (=FRA II/23, Wien 1865) S. 263-265