|N001|Wir Leopold von Gotes gnaden hertzog ze Osterreich und ze Steyer verichen offenlichen mit disem Brief, daz wir von unsers |N002|lieben bruder hertzog Heinrichs und der gevangen, die gen Behem mit im gevangen wurden ledigunge, wegen dem mech¬ |N003|tigen herren chunig Johansen von Behem und von Polan gelobt haben ze geben und suldig sein mit sampt unsern |N004|brudern Albrechten, Heinrichen und Otten, den hertzogen ze Osterreich und zu Steyr, als auch ir brief dar uber sagent neun |N005|tausent march silbers, ie fur ein march vier und sechtzich grozzer behemischer pfenninge. Und wan wir ietzu dez |N006|silbers nicht haben, so setzen wir im fur daz selben gut mit diesem brief, als auch unser bruder gesetzet habent unser |N007|stat ze La und Weitra, purg und stat, daz er die pfant als lang inne haben sol mit alIen rechten und nutzen |N008|als wir seu untz her inne haben gehabt, untz daz wir und unser bruder, die selben pfant von im umb daz |N009|vorgenant silber geledigen, swein wir auch daz silber halbes gehaben mügen, so soll er uns der vesten aine weliche |N010|wir wellen zelosen geben und sol die andere vesten haben, für daz ander gut untzen, daz wir in des auch verrichten, |N011|so sol die auch von im dann ledig sein. Wir sullen auch den chunig, des gutes weren ze Retz, und dann hin im |N012|daz belaitten an allez geverde fuer die unsern untzen gen Znoym. Und ze einer besserer sicherhait geben wir diesen brief |N013|dem vorgenanten chunig Johansen, versigelt mit unserm insigel, der ist geben ze Brugg, do man zalt von |N014|Christes geburde dreutzehenhundert jar, vier und zwaintzich jar, und dar nach dez nochsten Sunnentags vor dem|N015|Vashang tag .