|N001|Wir Fridrich von Gotes gnaden lantgraver zcu Duringen, maragrave zcu Myszen in dem Osterland und zcu Landesperg, |N002|graf zcu Orlamund und herre des landes zcu Plyszen , und wir Fridrich und Balthar, sine sune, voriehen und |N003|bekennen offenlichen an disem geinwertigen brive, daz wir dem allerdurchliuchtigisten unserm lieben gnedigen herren hern Karl, |N004|Romische kunige , zcu allen zeiten merer des richs und kung zu Beheim innewendig einem jare, daz uf die |N005|wihennachten die weg sin an getreten ist uf unser swegere und oheim Ludwigen, Stephan und ire brudere, herzogen |N006|zcu Beigern, nicht helfen noth dienen sullen, wann er uns aber nach den zcu kumenden wihenachten, als daz selb |N007|jar uz ist uf die selben herren umb hulfe und dinst mant oder manen lezet, so sullen wir im uf die selben |N008|unser sweger und oheim dienen und behelfen sin, als uf ander sine feinde. Mit gezeug dicz brives, der geben |N009|ist zcu Dresden nach Cristi geburt drizcen hundert jar, darnach in dem nun und firzeigisten jare an suntag |N010|vor dem Obersten tag .