|N001|Wir Stephan von Gotes gnaden phaltzgrafe bei Rine und hertzoge in Beyern verjehen und |N002| tun kunt offenlichen an disem brief allen den, die in sehen oder horen lesen, daz wir dem aller |N003|durchleuchtgesten fursten und unserm gnedgen herren, hern Karl romisschen kunge ze allen zeiten merer|N004| des reichs und kunge ze Beheim , seinen erben und nachkomen, kungen ze Beheim, eweclichen mit |N005| wolbedachtem mute, mit rechten trewen und on alles gewerd fur uns, unser erben und nachkomen |N006| globt haben und globen auch mit kraft ditz briefes, daz wir keynen iren man oder undersezzen, |N007| diener des kungreichs ze Beheim, ze hofegesinde, man oder ze diener enphahen wollen noch sullen |N008| in dheinweiz, noch keynen iren man, diener oder undertanen wider sie versprechen, verteidingen, halten |N009| noch schirmen sullen in dheinweiz. Mit urkunde ditz briefes versigelt mit unserm insigel. Geben |N010| zu Nürenberg nach Kristus geburt dreutzen hundert jar, dar nach in dem ein und funfczigisten|N011| jare, des nehsten dinstages nach des heilgen Leichnams tag .