|N001|Wir Rudolf der Elter von Gots gnaden herczog zu Sachsen, des heiligen reichs obrister marschalk, verjehen und tun kunt |N002| offenlich mit diesem brieve, daz uns wizzentlich ist und wir do bei gewest sein, daz der hochgebornn furste und herre, |N003|her Heinrich etwenn herczog von Slesien und herre zu dem Jawer, einer seligen gedechtnuss sine furstentum, herschaft |N004| und lehen furmals, die weil er lebte, von dem allirdurchleuchsten fursten und herren, hern Ludweigen romi|N005|schem keiser¬ , einer seligen gedechtnuss, als von eynem romischen keyser, in der stat zu Frankenfurt genomen und |N006| entpfangen hat mit den vanen, als fursten zu rechte ire lehen empfahen sullen. Mit urkund diecz briefs, der |N007| geben ist zu Pyrn noch Crists geburt drewczen hundert jar und darnoch in dem eyn und fumfczigstem |N008| jare, des nehsten mantags noch unsir Frouwen tag, als sie geborn wart.