||
Wir Ruprecht der Jünger von Gots gnaden pfalenczgrafe bei Rein und herczoge in Peiern bekennen und tun kunt offenlich mit disem brieve allen den, die in sehen oder horen, lesen daz wir mit ||
wolbedachtem mute, mit rate unser frunde und mit rechter wizzen dem allerdurchluchtigsten fursten und herren, hern Karl, romischem kunige, ze allen zeiten merer des reichs und kunige ze Beheim, ||
unserm lieben gnedigen herren seinen erben und nachkomen, kunigen ze Beheim, und der cronen desselben kunigrichs erbelichen und ewiclichen umb tzwelf tusent mark lotiges silbers, domit er uns ||
uz unserm gevengnuzze von Sachsen gelediget und geloset hat, die nachgeschrieben vesten Nuwenstat, Sturnstein, Hirsaw und Lichtenstein und darnach umb tzwentzig tusent marck lotiges silbers, die er ||
auff seliger gedechtnuzze den hochgeborn fursten hern Rudolfen etwenn pfalentzgrafen bei Rein und hertzogen in Peiern, unsern lieben vettern uns wizzentlich gewendit und yme gelihen hait, die nachge¬ ||
schrieben vesten, stete, und merkte Sultzbach, Rosemberg, Hirtenstein, Nydstein, Turrendorf, Hiltpoltstein, Hoenstein, Lichtenecke, Frankenberg, Lauffen, Eschembach, Hersbrücke, Awrbach, Velden, Begnitz und daz ||
Plech und alles, daz unser vetter der egenante ze Peiern ingehabt und besezzen hat, mit allen dorfen, leuten, herschefften, guten, gerichten, bennen, tzollen, geleiten, vorsten, wiltpennen, gulten, zin¬ ||
sen, nutzen, vellen, welden, puschen, geiageden, vogelweiden, wiesen, weiden, wazzern, mülen, wazzerleuften, teichen, vischerien, bergen, grunden, slichten, gemirken, kreizzen, weichpilden und allen nutzen ||
ob und under der erden, wie man die genennen mag, und auch mit rittern, knechten, mannen, manschefften, lehen, lehenschefften, verlehenten guten, kirchlehen und gotsgaben, dienern, eigenen leuten, pfant¬ ||
schefften von dem reiche oder sust von ymanden anders und allen zugehorungen, erbe und eygen, als iz gelegen ist, pfantschafft fur pfantschafft, recht und redelich verkauft haben in aller der maze, als ||
sei der obgenant unser vetter selige inngehabt und besezzen hat, und als sie von seinem tode auf uns erbeclichen verfallen waren, und vertzihen uns fur uns, unser erben und nachkomen eweclichen ||
allez rechten, ansprache und anredunge die wir zu den obgenanten vesten, steten, merkten und allen zugehorungen, als sei dovor begriffen seint, gehabt haben haben, oder gehaben muchten in dheine ||
weis, und vertzeihen uns auch aller hilfe geistlichs und werentlichs rechten und aller gesecze keiserlicher und babstlicher büche, der lande gewonheit und aller ubunge und behaltnuzz, domit ||
dieser kauff muchte in dheine weiz gehindert werden, und meynen, daz wir, unser erben und nachkomen uns domit nymer in dheinen zeiten mit dem rechten oder mit der tat, mit worten ||
oder werken behelfen sullen oder wullen. Auch geloben wir mit guten truwen angewerde vor uns, unser erben und nachkomen dem obgenanten unserm herren dem kunige seinen erben und nachkomen, ||
kunigen ze Beheim, daz wir in und der cronen desselben kunigrichs alle die obgenanten vesten, stete, merkte und zugehorungen, als sie dovor begriffen sint, versprechen und entwerren sullen ||
und wullen fur unsern vettern, keiser Ludowigis seligen kinderen, den hochgeborn fursten hern Ruprechten den Elterm, dez Heiligen reichs obristern truchtsezzen und herczogen in||
Peiern , und fur allermenlich und fur alle ansprache eyns iglichen, wie der genennet sii, als in den landen recht und gewonlich ist. Und zu merer sicherheit haben wir gebeten die erwidigen fursten ||
und herren, hern Gerlach ertzbisschoff ze Mentze, hern Albrecht zu Wirtzburg, hern Albrecht zu Vreisingen, die bisschofe, und die hochgeborn fursten hern Rudolfen hertzogen in Osterrich, hern ||
Albrechten, pfallenczgrafen bei Rein und hertzogen in Peiern, unsern vettern, und die edeln herren Syfriden von Witchenstein, Lodowigen und Friederichen von Ötingen, die grafen, und hern Lutzen||
von Honloch , daz sei zu ewigem gedechtnuzze und zu getzugnuzze dez obgenanten kaufes ire ingesiegele geruchen bei daz unser an diesen brieff ze hengken. Und wir Gerlach von Gots gnaden ertzbis¬||
schoff ze Mentze des Heiligen reichs ertzcanceler in Tutschen landen , Albrecht von Wurtzburg, Albrecht zu Vreisingen, die bisschofe, und wir Rudolf hertzog in Osterrich zu Steyr und zu||
Kernden Kernden, Albrecht pfallentzgrave bei Rein und hertzog in Peiern von denselben gots gnaden, Sifrid von Witchenstein, Ludowig und Friderich von Otingen, graven, und Lutze von Hoenloch be¬ ||
kennen offenlich, daz wir durch sunderliche bete dez obgenanten hochgeborn fursten hern Ruprechts dez Jungern pfallenczgraven bei Rein und hertzogen in Peiern, unser insiegele zu getzug¬ ||
nuzze und zu ewiger gedechtnuzze dez obgenanten kaufes an diesen brieff haben wizzentlich gehengket, mit urkunt ditz brifes, versigelt mit unser aller ingesiegeln, der geben ist zu Hage¬ ||
now nach Crists geburt drautzen hundert jar, darnach in dem drau und funftzugsten jar, an dem nechsten dinstag nach aller heiligen tag.