||
Wir Ruprecht der Junger, von Gots gnaden pfallentzgrafe bei Rein und hertzog in Beiern, bekennen und tun kunt offenlich ||
mit diesem brieve allen den die in sehent oder horent lesen, daz wir wollbedachtem mute, mit rate unser freunde und ||
auch mit rechter wizzen des allerdurchluchtigsten fursten und herren, hern Karls, romischen kunigs, ze allen zeite merer des reichs||
und kunigs zu Beheim , unsers lieben gnedigen herren, die nachgeschriben vesten Hoenstein und die merkte Hersbrucke und ||
Aurbach, die von dem heiligen reich lehen sint, mit allen rechten, herscheften, nutzen und zugehorungen, wie man die benen¬ ||
nen mag, dem kunigrich und der cronen zu Beheim zu rechtem erbe und erblehen recht und redlich verkauft haben ||
in aller der mazze, als die obgenanten vesten, merkte und ire zugehorungen nach tode seliger gedechtnuzze dez hochgeboren ||
fursten, hern Rudolfs etwenne pfallenczgraven bei Rein und herczogen in Beiern, unsers lieben vettern, auff uns vervallen ||
waren, und als in briven, die wir daruber geben haben, ist vollen kumelich begriffen. Dovon bitten wir den obgenanten unsern ||
herren den romischen kunig, daz er mit romischer kuniglicher macht denselben kouff geruche zu bestetigen und die selben ||
vesten der cronen und dem kunigrich zu Beheim zu rechtem erbe und erbelehen machen und verleihen wulle. Mit urkund ||
dicz brives, versigelt mit unserm insigelm, der geben ist ze Hagenow nach Cristus geburt dreitzehen hundert und in dem||
dreu und funftzigstem jar, dez nechsten dinstags nach aller heiligen tag .