||
Wir Ludowich der Romer von Gots gnaden marggrafe zu Brandenburg und zu Lusitz, des heiligen Romischen ||
reichs obrister camerer, phalantzgrafe pei Rin und hertzoge in Beyrn , bekennen offenlich vor uns ||
und unsern lieben pruder marggrafen Otten, daz wir aller schulde schuldig sint und gelten sullen dem ||
edeln manne Thymen von Coldicz, hovemeistere des allerdurchluchtigestes fursten und herren hern ||
Karles Romisches keysers , unsere genedigen herren, czway hundert schok pragischer groschen oder zway ||
hundert mark brandenburgisch silbers, die geloben wir im, und zu seiner hant den edeln mannen Hanse, ||
seinem pruder , Thymen von Coldicz, seinem veterr, und Heinriche von Ketelicz, des egenanten ||
hovmaisters sweher , zu sente Walpurgen tage der schirst kumt in unse stat zu Berlin endelich ||
und unvorczogelich zu gebende und zu beczalende, und mit dissem briefe sullen alle andere briefe, ||
die wir im vor uff schulde geben haben tot sin und keyne macht mer haben. Mit urkund ||
disses briefes, der versigelt ist mit unserm insigele, geben zu Prage nach Gots geburt||
drietzehen hundert iar, dar nach in deme siben und funzigesten iare an dem sunavende in ||
den Weynnachten .