|N001|Wir Rudolf von Gotes genaden herczog zu Sachsen, des heiligen Romischen reichs erczmarschalk, bekennen |N002|und tun kunt mit disem brive allen den, dye in sehen odr horen lesen, wann vormals die stat ze Eger |N003|mit dem lande und die vesten Flozz und Parkstein mit iren zegehorungen den hochgebornen kungen |N004|zu Beheim und der cronen desselben kunigreichs fur vierczigtausent mark lottiges silbers von we¬ |N005|gen des Heiligen Romischen reichs ze rechtem pfande verseczet sein. Und wann wir mit andern unsern |N006|mitkurfursten geistlichen und werltlichen wol underweiset sein mit warhaftiger kunstchaft, daz Flozz, |N007|die vesten und waz darczu gehoret, des kunigreichs ze Beheim rechtes eygen ist, und von unwizzen und |N008|mit irresal dem egenanten kunigreich ze Beheim ze pfande worden ist, als in unsern und andrer unsrer mit¬ |N009|kurfursten, briven die wir dorumb geben haben ist, volkomenlich begriffen dovon und uf die rede, daz |N010|die hochgebornen kunge zu Beheim und die crone desselben kunigreichs in der andern pfantschaft unge¬ |N011|hindert bleiben sint, demmal das Flozz, ir rechtes eygen ist und ir pfant nicht gesein mag in deheinenweis, |N012|so meinen sprechen und leutern wir mit wolbedachtem mute und mit gemeinem rate wort willen |N013|und ouch gunst aller unsrer mitkurfursten, geistlichen und werltlichen, daz die obgenanten hochgebornen kunge |N014|ze Beheim, ir erben und nachkomen ewiclich und die crone desselben kunigreichs ze Beheim, die egenante |N015|vierczigtausent mark lotiges silbers uf der stat zu Eger und dem lande und ouch uf der vesten Park¬ |N016|stein und iren zugehorungen haben sullen, als die pfantbrieven sagen, die von des reichs wegen geben |N017|sint, gleicherweis als ob Flozz in der egenanten pfandung nye benennet were. Mit urkund dicz brives, ver¬ |N018|sigelt mit unserem ingesigel, der geben ist zu Nuremberg nach Cristus geburt driczenhundert jar dornach |N019|in dem acht und funfczigstem jar an sant Peters und Paulus abent, der heilingen czwelefboten .