||
Wir Ruprecht der Elter von Gotes gnaden pfallenczgrave by Rine, dez heiligen Romischen riches obrester truchsesze||
und herczog in Beyern , bekennen und tun chunt offenlichen mit disem briefe allen den, die in sehent oder horent le¬ ||
sen, daz uns kuntlichen und wissenlichen ist, und daz selben unser eltern und vordern herczogen zu Beyern an uns ||
und seliger gedechtnusse den hochgeborn herczog Rudolf, unserm bruder, her bracht haben, daz die vesten und merkte ||
der Hohenstein, Hersprugge und Urbach, die von unsers bruders herczog Rudolfs dez vorgenanten tode uf uns verfallen ||
waren, und die wir dem allerdurchluchtigsten fursten und herren hern Karln, Romischem keyser, zu allen ziten merer||
des richs und kung zu Beheim , unsern lieben gnedigen herren alz einem kung zu Beheim, und der cronen dez selben ||
kungriches zu Beheim recht und redlichen vorkauft haben, von nyemand anders ruren, danne von dem Heiligen ||
Romischen riche. Und wir, unser eltern und bruder ez von nyemand anders gehabt haben, nur von dem Heiligen riche, ||
alz da vor begriffen ist. Mit urkund ditz briefes, versigelt mit unserm insigel, geben zu Heydelberg nach Cristus ||
geburt drutzehen hundert jare, dar nach in dem achten und funftzigistem jare am nechsten dornstage||
nach der heiligen zwelfboten sant Peters und sant Pauls tage .