|N001|Ich Albrecht von Mansvelt bekennen fur mich, alle meine erben und nachkomen offenlich mit diesem briefe, daz der allirdurchluchtigiste furste und herre her |N002|Karl, Romischer keiser, czu allen czeiten merer des reichs und kunig czu Beheim, mein lieber gnediger herre, mir von gnaden geschaft und geben hat uff |N003|der stat und burgern gemeinlich czu Mulhusen auf die nechste ostern, die nu schirste kumpftig werden anderhalphundert schok guter grozzer beheim¬ |N004|scher pfennige, und dorumb sagen ich egenanter Albrecht und alle meine erben und nachkomen, denselben unsern herren den keyser, aller seine erben und |N005|nachkomen kunige czu Beheim, aller der schult und schaden, der er uns von des Romischen reichs wegen odir von des kungreichs wegen von Beheim |N006|schuldig ist, des ich von ym briefe habe odir nicht gantz und gar quint ledig und los mit diesem briefe mit dem underscheide, ob mir die egenanten an¬ |N007|derhalbhundert schock von den egenanten burgern von Mulhusen uff die nechste ostern gevallen were, auch daz vorbazmer keine briefe funden odir ge¬ |N008|zeiget wurden, do mitte der egenanten mein herre der keiser, seine erben und nachkomen kunige czu Beheim von mir, meinen erben und nachkomen ge¬ |N009|mant mochten worden, die sullen zumale tod sein, und dheine craft haben noch gewinnen, wer aber daz die egenanten burger von Mulhusen mir die vorgenanten |N010|anderhalbhundert schok uff die nechsten ostern nicht geben und bezalten, so sal mich derselbe mein herre der keiser der vorgenanten geldis uff den nechsten |N011|sant Michahels tag, der dornach kunftig wirdet unverzogenlich richten und bezalen, und wann ich vorgenanter Albrecht eygens insiegels nicht habe, so hab |N012|ich den edlen herren grafen Heinrich von Swartzburg fleizich gebeten, daz er sein insiegel czu einem geczuge der warheit dieser wandelunge an disem |N013|brieff hat gehangen. Wir Heinrich, grafe von Swartzburg, bekennen auch offenlich mit diesem briefe, daz wir von Albrechtis von Mansvelt |N014|fleiziger bete wegen unser insiegel zu einem gezuge der warheit dieser sache, als hie vor geschriben stet an diesen brieff haben gehangen der ge¬ |N015|ben ist zu Prage nach Cristus geburt drutzenhundert jar, dornach in dem neun und funftzigstem jar am nechstem mitwoch vor sant Micha-|N016|hels tage .