|N001|Wir Johanns und Gunther, gebruder grafen von Swarczburg, bekennen und tun kunt offenlich |N002|mit disem brife allen den, die yn sehent odir horent lesen, das allirdurchleuchtigster furste und |N003|herre her Karl Romischer, keiser zu allen zeiten merer des reichs und kunig zu Beheim, uns lieber gne¬ |N004|diger herre, uns vom besundirn gnaden zu geben gelobt hat und geben wil zweihundirt schock be¬ |N005|hemisch grozz an zu heben, zu zelhen von sant Martins tag der nu nehest kumpftig ist, uncz |N006|dornoch uff sant Mertins tag, der denne schirists kumpftig wirdet, dorumb seyn wir seine |N007|burgmann worden uff seinem hause zu Sparremberg und geloben und sweren in guten |N008|trewen an geverde, ym, seinen erben und nachkomen kunigen zu Beheim getrew, gehorsam |N009|und undirtenig zu seyn, als uns rechten erplichen herschafft, und als rechte erpliche man |N010|zutun pflichtig sint yren rechten erplichen herren, an allen steten ir bestes zu werben, |N011|und seinen schaden zu wenden. Mit urkund dicz brifes, versigilt mit unsir vorgenanten beidir |N012|anhangendem insigel. Geben zu Prage nach Crists geburte dreyczehenhundirt jar und |N013|in dem neun und funfzigsten jare an dem nehesten sunabend fur sant Mertins tage .