|N001|Wir Albrecht und Ffriderich von Gotes gnaden buregrafen ze Nurmberg verichen und tun kunt offenlichen an |N002|disem brif allen den, die in sehent oder horent lesen, daz wir dem allerdurchluhtigsten unserm lieben |N003|gnedigen herren, herr Karln römischer keyser ze allen zeitehn merer des reichs und kung ze Beheim, mit |N004|guter vorbetrachtung und mit unsers rats rat recht und redlichen verkauft und ze kauften geben |N005|haben, im und dem kungreich ze Beheim, die lehenschaft der vesten und des pergs zu dem |N006|Rotenberg, als die selben vesten und den perg unserer lieber getrewer Heinrich der Wildensteiner genant von|N007|Rotenberg von uns und unserer herschaft ze lehen hat gehabt, umb drew tusent guter und swerr |N008|guldein, der wir gar und genczlichen von im gewert und bezalt sint, also daz wir, dhein unser erben |N009|noch nachkomen nymmermer kein ansprache nach derselben lehenschaft der vesten und des perges zu |N010|dem Rotenberg und über alles, daz zder selben vorgenanten vesten und perg gehört. daz der obgenant |N011|Heinrich Wildensteiner von uns und unserr herschaft ze lehen gehabt hat, haben noch gewinnen sullen in |N012|dhein weyse on geverde. Und daz daz also ewiclichen craft und macht habe und nymmer vergezzen werde, und |N013|auch zu ainer merern sicherheit und urchunde geben wir disen brif, versigelten mit unsern grozzen anhangen¬ |N014|den insigeln, der geben ist am nechsten montag vor sant Pauls tag, als er bekert wart, ze Plassen¬|N015|berg uf der vesten, do man zalt von Kristus geburt drewzehenhundert und in dem sechczigstem|N016|iare .