Noverint universi Christi fideles tam praesentes quam futuri, quod ego Mychael Jacobi de Netolitz presbiter et confrater fratrum in Sancta Corona ordinis Cysterciensis bono animo maturaque deliberatione praehabitis in remedium et salutem animae meae et parentum meorum decem marcas bonorum denariorum venerabili patri et domino domino Ludolpho eiusdem loci abbati ad solatium conventus assignavi, ita quod quamdiu dictus dominus Ludol(phus) abbas has decem marcas conventui in censum unius marcae non converterit annualem, unam marcam ex hiis decem omni anno eidem conventui sequenti die undecim milium virginum pro pittanciis perpetuo assignabit, et eadem die memoria mea et parentum meorum in conventu a fratribus omnibus uniformiter peragatur, et istud ex promisso domini abbatis de consilio suorum seniorum tamquam ratum et gratam ad suos successores et posteros irrevocabiliter se extendet. In cuius rei evidentiam et robur perpetuo valiturum praesentia ad petitionem meam sigillis venerabilium dominorum videlicet domini Johannis in Placz et dicti domini Ludolphi abbatum sunt consignata. Datum et actum anno.domini M^o CCC^o LV. in die sanctae spineae coronae¹.

Source Fulltext: PANGERL, Goldenkron (=FRA II/37, Wien 1872) S. 127