GREGORIUS episcopus servus servorum dei dilectis filiis abbati et conventui monasterii ad Sanctam Coronam Cisterciensis ordinis Pragensis diocesis salutem et apostolicain benedictionem! Cum a nobis petitur quod iustum est et honestum, tam vigor aequitatis quam vigor exigit rationis, ut id per sollicitudinem officii nostri ad effectum debitum perducatur. Eapropter dilecti in domino filii vestris iustis postulationibus grato concurrentes assensu omnes libertates et immunitates a praedecessoribus nostris Romanis pontificibus sive per privilegia seu alias indulgentias vobis et monasterio vestro concessas nec non libertates, exemptiones secularium exactionum a regibus et principibus et aliis Christi fidelibus rationabiliter vobis et monasterio praedicto indultas, sicut eas iuste et pacifice obtinetis, vobis et per vos eidem monasterio auctoritate apostolica confirmamus et praesentis scripti patrocinio communimus. Nulli ergo omnino hominum liceat hanc paginam nostrae confirmationis infringere vel ei ausu temerario contraire. Si quis autem hoc attemptare praesumpserit, indignationem omnipotentis dei et beatorum Petri et Pauli apostolorum eius se noverit incursurum. Datum Romae apud sanctum Petrum, XV. Kal. Aprilis, pontificatus nostri anno septimo.||
Auf dem Umbug links: Franciscus.||
Unter demselben rechts: = Jo. Grassi. A.||
Auf, der Rückseite: Henr. Bols.

Source Fulltext: PANGERL, Goldenkron (=FRA II/37, Wien 1872) S. 151