Urbanus episcopus servus servorum dei dilectis filiis . . abbati et conventui monasterii Sanctae Coronae Cisterciensis ordinis Pragensis diocesis salutem et apostolicam benedictionem! Cum a nobis petitur, quod iustum est et honestum, tam vigor aequitatis quam ordo exigit rationis, ut per solicitudinem officii nostri ad debitum perducatur effectum. Eapropter dilecti in domino filii vestris iustis postulationibus grato concurrentes assensu, personas vestras et locum, in quo estis divinis obsequiis mancipati, cum omnibus bonis, quae impraesentiarum rationabiliter possidetis ac in futurum iustis modis praestante domino poteritis adipisci, sub beati Petri atque nostra protectione suscipimus, specialiter autem decimas, terras, domos, grangias, prata, nemora, ortos et alia bona vestra sicut ea iuste et pacifice possidetis, vobis et per vos monasterio vestro auctoritate apostolica confirmamus et praesentis scripti patrocinio communimus, salvo in praedictis decimis moderatione concilii generalis. Nulli ergo omnino hominum liceat hanc paginam nostrae protectionis et confirmationis infringere vel ei ausu temerario contraire. Si quis autem hoc attemptare praesumpserit, indignationem omnipotentis dei et beatorum Petri et Pauli apostolorum eius se noverit incursurum. Datum Romae apud sanctum Petrum, IIII. Nonas Julii, pontificatus nostri anno secundo.||
Auf dem Umbug: Registrata. ||
T. de Nyem.||
Unter dem Umbug rechts: = Oldradus.||
Auf der Rückseite: Franciscus Volcz. ||
Vise.

Source Fulltext: PANGERL, Goldenkron (=FRA II/37, Wien 1872) S. 158-159