Wenceslaus dei gratia Romanorum rex semper augustus et Boemiae rex. Notum facimus tenore praesentium universis, quod constitutus in nostra praesentia Myxiko de Wranyn fidelis noster dilectus nobis humiliter supplicavit, quatenus ad hoc, ut ipse tertiam dimiam (sic, dimidiam) sexagenam grossorum Pragensium census annui et perpetui, quas (sic) a Camereto de Myrokowicz emptas ibidem in bonis Myrokowitz et suis pertinentiis habere dinoscitur, religiosis . . abbati, conventui et monasterio Sanctae Coronae pro suae et progenitorum suorum animarum remedio salutari in morte legare et testari posset, consensum nostrum regram adhibere, nec non huiusmodi censum dicto monasterio incorporare, inviscerare, annectere et unire gratiosius dignaremur. Nos igitur qui quorumlibet iuste pententium vota libenter amplectimur, ad praefatae dimidiae tertiae sexagenae grossorum census pro dicto monasterio Sanctae Coronae legationem et testationem consensum nostrum regium adhibuimus et virtute praesentium gratiosius adhibemus, ipsumque censum exnunc prout extunc et extunc prout exnunc incorporavimus, invisceravimus, anneximus et univimus, incorporamus, invisceramus, annectimus virtute praesentium, auctoritate regia Boemiae et de certa nostra scientia et unimus decernentes praefatum tertiae dimidiae sexagenae censum post mortem dicti Mixikonis ad dictum monasterium libere venire et devolvi debere, impedimentis quorumlibet penitus procul motis. Praesentium sub regiae nostrae maiestatis sigillo testimonio litterarum. Datum Mendici anno domini millesimo quadringentesimo quinto, die vicesima quarta Octobris, regnorum nostrorum anno Boemiae quadragesimo tertio, Romanorum vero tricesimo.||
Auf dem Umbug links: Per dominum Conr. subcamerarium Jacobus canonicus Pragensis.||
Auf der Rückseite: R(egistrata), Paulus de Tost.

Source Fulltext: PANGERL, Goldenkron (=FRA II/37, Wien 1872) S. 348-349