Ich Jesko von Welessching bechenn offenleich in disem prif, daz mein water (sic) zce selger gedechtniz her Hainr(ich) von Welesching hat besetzet und gegeben den gaistleichen herren zder Hailigen Chron ain selgerat in aller form und weiz; alz hie nach ist beschriben: (Folgt der Wortlaut der Urkunde ddo. Beneschau, 20. Jänner, 1350.) Und wand daz also chumen ist, daz ich Jesko mit meinen prudern hern Beneschen und hern Hainr. unser water (sic) erb getailt haben in drew tail, und daz vorgenante dorph¹ gevallen ist in mein teil, und also bericht, daz mein proder (sic) her Benesch mir ous richten schol chegen dem chloster der hundert march ein dritteil, und mein proder her Hnr. ein drittail, und haben daz tan mit anderm gut, hor (sic) Benesch zce Smyrhaw² und hor Hainr. zce Galein³, so verieh ich offenleich, daz ich ouch meins dritten tailz hab ab getreten ouf virdhalber hueb da zce Nesmen mit allem nutze der vorgenanten samnung in aller weiz und form, als vor in unsers vaters pri^eff ist beschriben, als lang daz ich iz mug gelosen, umb drei und dreizzig march und ain unt zwenczig grozz und vir haller der egenanten muncz, und gelub in daz dorph zce vreihen und zce schirmen trewlich, da von ich nicht anders muten wil dan gotz genad, uud gelub ouch sted zce halten di vreiung der maut als ver mein drittail an gepurd, som (sic) vor ist geschriben. Daz ditz dink gantz und sted sei, so hab ich disein prieff versigelt mit meinem insigel, und hab gepeten den edeln herren hern Sdenken von Sterrenberg, daz er ditz dinch gantz und sted hald und frei und verinsigel mit seinem insigel. Und ich Sdenko von Sterrenberg und von Conopis genant verieh und tun chund allen den, di ditz dinch hernach werden lesen oder horen, daz ich mein ingesigel hab gehangen an disen prief, und gelub sted und gantz zce halten alles, daz da in ist geschriben. Ditz dinch ist geschehen und diser prief ist gegeben als man schreibt nach Christi gepurd drewtzehen hundert jar, acht und fumezig jar, ouf unser vrowen mezz der letsten, alz si zce himel vur.

Source Fulltext: PANGERL, Goldenkron (=FRA II/37, Wien 1872) S. 128-129