Petrus Gasconis doctor legum, domini nostri papae prothonotarius et sui sacri palatii apostolici causarum et causae, partibusque infrascriptis^a (a domino nostro papa auditor) specialiter deputatus, venerabili viro domino Wilhelmo praeposito ecclesiae Wissegradensis prope Pragam, nec non dominis canonicis, decano et capitulo eiusdem ecclesiae, omnibusque^b . . . . quos infrascriptum tangit negotium, seu tangere poterit quomodolibet in futurum, salutem in domino et praesentibus fidem indubiam adhibere! Pridem sanctissimus in Christo pater et dominus noster dominus Vrbanus papa sextus quandam commissionis sive supplicationis^c cedulam nobis per certum^d suum cursorem praesentari fecit sub his verbis: ,Pater sancte! Lite pendente in palatio causarum (apostolico inter venerabiles et religiosos) viros dominos abbatem et conventum monasterii Sanctae Coronae ordinis Cisterciensis Pragensis diocesis parte ex una, et dominum Johannem praepositum ecclesiae Wissegradensis prope Pragam (de et super nonnullis villis, agris, pascuis,) piscariis, silvis, molendinis, possessionibus et iurisdictionibus et rebus aliis et eorum occasione^e parte ex altera‘ (etc.). Finis vero cum subscriptione notarii talis est:||
(Audiat [?] etc.) In quorum . . . . . . . . . praesentes nostrae intimationis litteras seu praesens^f publicum instrumentum ipsam nostram intimationem in se continentes seu continens per ||
Bertoldum notarium publicum, nostrumque et huiusmodi causarum . . . . . . . . . . . . . . et publicari mandavimus, nostrique sigilli appensione (fecimus) communiri. Datum et actum Romae in palatio causarum apostolico nobis^g (inibi) mane hora causarum ad iura reddendum (in loco nostro solito pro tribunali) sedentibus^h, sub anno a nativitate domini 1382, indictione quinta, die vero Veneris septima mensis Novembris, pontificatus sanctissimi in Christo patris ac domini Vrbani divina providentia papae sexti praedicti anno quinto, praesentibus ibidem discretis viris magistris Richardo . . . . . in Romana curia procuratore et Henrico Hugonis de R . . . . . notario publico scribaque nostro, testibus ad praemissa vocatis specialiter et rogatis. Et me Bertoldo Coelemanni de Meschode clerico Coloniensis diocesis publico apostolica . . . . . . . . . . ac praefati reverendi patris domini Petri Gasconis dicti domini nostri prothonotarii et auditoris huiusmodi causae eorum . . . . . . que praemissis omnibus et singulis, dum sic ut . . . . . . . notarii et auditoris et coram eo ageretur, et sicut una cum praenominatis testibus prius interfui, et prout fieri vidi et audivi ac in notitiam recepi, de qua hoc praesens . . . . . . . . . . aliis negotiis occupatus extraxi, meque subscripsi, publicavi et in hanc publicam formam redegi, una cum eiusdem domini prothonotarii et auditoris appensione sigilli . . . . . . . . consuetum, rogatus et requisitus in fidem et testimonium omnium et singulorum.

Source Fulltext: PANGERL, Goldenkron (=FRA II/37, Wien 1872) S. 165-166