Ego Mixiko dictus de Vranian notum facio per praesentes et recognosco, quod religiosi et honesti viri prior et conventus monasterii Sanctae Coronae ordinis Cisterciensis Pragensis dioecesis de licentia domini abbatis sui et consensu sexaginta (unam sexagenas) grossorum Pragensium quae ad eorum pittantiam^a pertinent, pro emendis curia et bonis de Camereth, quae in villa Mirkowitz sunt situata, prout in littera desuper ab ipso mihi data plenius continetur, in prompta pecunia mihi accommodaverunt, tali quidem conditione mediante, quod praefatam eis pecuniam ex integro debeo persolvere ac teneor infra spatium a data praesentium annorum duorum pro certiore cautione seu maiori certificatione, ne intervenire quicquam valeat, per quod ipsa sua pecunia possit defraudari. Praefatam litteram ab ipso Cammareto datam ac nomine meo conscriptam de certa scientia et bona voluntate eorum^b tradidi potestati^c, ut si forte pecuniam ipsorum eis infra praedictorum duorum annorum spatium non persolvero, extunc^d supradicta bona contradictione^e mea qualicunque non obstante tam diu possideant et teneant ac pleno iure eis utantur, quousque ipsis de pecunia sua per me plenarie fuerit satisfactum. Si vero domino volente debitum carnis interim exsolvere me contigerit, si quis tunc iure propinquitatis seu quocunque alio iure, modo vel nomine bona suprascripta temptaverit impetere seu voluerit habere, hie primitus praenominatas sexaginta unam sexagenas (sine) ulla penitus contradictione nec excusatione seu adinventione qualicunque patrocinium vel auxilium praestante^f nec ferente totaliter persolvere tenebitur et expedire. In testimonium harum et robur sigillum meum praesentibus feci appendi, supplicavique strenuis ac discretis viris Smyloni de Krzemza, nec non et Przibikoni de Chlum¹, ut et ipsi sua sigilla in recognitionem earundem apponere dignarentur, quod et benivole fecerunt. Datum anno (domini) M.CCCC. quarto, in die sancti Francisci confessoris.

Source Fulltext: PANGERL, Goldenkron (=FRA II/37, Wien 1872) S. 337-338