Ich Hanns Weypold mitburger ze Krems, mein hausfraw und all unser erben vergechen . . . das wir . . . mit purckherrn hannden des erbern weisen Heinreich Renntel die zeit hofmaister in Melkcher hof ze Radendorff verkaufft haben unser haus, glegen ze Krems in der Ledergassen zenachst des Zwetler mu^el mitsambt dem garten und prunn darinn, dauon man jarleich ze purckrecht gibt dem egenanten hofmaister und sein nachkommen in den egemeldten hof ze Radendorf achczehen phening und ze dinst siben schilling und zwelif phening alles Wienner mu^enss und an sand Cholmanstag und nicht mer . . . dem erwirdigen herren abbt Rudgern abbt des klosters ze der Guldein Chron und seinen nachkomen umb ain summ gelts, der wir an schaden ausgericht und beczalt sein . . . (Folgen die Formeln der Einantwortung und Schirmversicherung . . . Sigelankündigung): besigilt mit des obgemeldten purckherren Hainreichen des Re^antel anhangundem insigel. - Geben ze Krems nach Kristi geburd vierczehenhundert und im ainsunduirczikgistem jaren, an sand Marteins tag des heiligen bischoff.

Source Fulltext: PANGERL, Goldenkron (=FRA II/37, Wien 1872) S. 442-443