Charter: Archivy českých klášterů zrušených za Josefa II. (1115-1760) // ŘC Zl. Koruna 1445 IV 28
Signature: 1445 IV 28
Add bookmark
Edit charter (old editor)
28. April 1445, Passau
Bischof Leonhart von Passau meldet dem Ulrich von Rosenberg die Bereitwilligkeit des Burkart Puchperger, vor ihn und seine Räthe ihren Handel zum Austrag zu bringen.Source Regest: PANGERL, Stift Goldenkron (=FRA II/37, Wien 1872), S. 455, Nr. 198a
x
Aussen: Dem wolgeborn unserm lieben frewndt VIrichen von Rosembergkh.||
Unser freuntschaft beuor! Wolgeborner lieber freundt! Als ir Jörgen Espan ewern diener mit ainem credentzbrief zu uns gesandt habt, der darauf geworben hate, wie an ew gelanngt sey, daz Burckhart Puechperger1 ew und die ewern vermain anzegreiffen und zu beschedigen. Nun sey ewrer früntschaft willig im umb sein sprüch und vordrung, so er zu ew vermaint ze haben, rechtens ze sein vor unserm gnedigen herren herczog Hainrichen etc. und seinen reten oder aber vor unser und unsern reten, und uns darauf gebeten den benanten Burckharten daran ze weisen, daz er sich an solhen rechtboten benügen lasz und ew und die ewern darüber nicht angreiff noch beschedig, als dann der egemelt Espan das mit mer wortten an uns geworben hate. Das haben wir alles wol vernommen und lassen ewrer freuntschaft wissen, daz wir von stund an nach demselben Puechperger gesanndt und im geschriben haben zu uns ze kömen, der dann also auf gestern zu uns komen ist. Da haben wir sölhe werbung und ewrer erbieten durch die edeln unser besunder lieben und getrewen Wilhalm Aichperger zum Moss, Jörgen Aichperger zu Seldenaw, Hannsen Frawnnberger ze Prunn, Erasem Ahaymer zu Wildenaw, Greiff Mautter zu Kaczenperg, Peter Schonstetter zu Warmpach, Seitz Puechperger zum Wildenstain, Degenharten Watzmanstorffer zu Leoprechting an in bringen lassen, die haben souil mit im geredt und in daran geweiset, wie daz er umb sein spruch und vordrang, so er zu ew vermainet ze haben, vor uns und unsern edeln gesworn reten recht gern nemen und sich rechttlich da entschaiden welle lassen an verrer auszüg und waigrung. Hiett ir dann zu im icht ze sprechen, daz die sach antreff, darumb wolt er euch an derselben stat auch gern rechttens sein vor den benanten unsern edeln gesworn raten an verrer waigrung und ausczüg, doch daz sölher rechttag hie zwischen vnd sand Michels tag schirstkünftig von uns geseczt und yetwederm tail vier wochen vorhin verkündet wurde. Das schreiben wir ew also zue, ob ir solhs aufnemen woldet, daz uns dann das widerumb von ew zugeschriben und darauf anlas und annder nottdürftig brief geuertigt würden, damit solhs ain fürgangk gewün. Geben ze Passaw an mitichen vor sand Philipps und sand Jacobs tag, anno domini etc. quadragesimo quinto.||
Leonart2 von gots gnaden bischoue zu Passawe.
Unser freuntschaft beuor! Wolgeborner lieber freundt! Als ir Jörgen Espan ewern diener mit ainem credentzbrief zu uns gesandt habt, der darauf geworben hate, wie an ew gelanngt sey, daz Burckhart Puechperger1 ew und die ewern vermain anzegreiffen und zu beschedigen. Nun sey ewrer früntschaft willig im umb sein sprüch und vordrung, so er zu ew vermaint ze haben, rechtens ze sein vor unserm gnedigen herren herczog Hainrichen etc. und seinen reten oder aber vor unser und unsern reten, und uns darauf gebeten den benanten Burckharten daran ze weisen, daz er sich an solhen rechtboten benügen lasz und ew und die ewern darüber nicht angreiff noch beschedig, als dann der egemelt Espan das mit mer wortten an uns geworben hate. Das haben wir alles wol vernommen und lassen ewrer freuntschaft wissen, daz wir von stund an nach demselben Puechperger gesanndt und im geschriben haben zu uns ze kömen, der dann also auf gestern zu uns komen ist. Da haben wir sölhe werbung und ewrer erbieten durch die edeln unser besunder lieben und getrewen Wilhalm Aichperger zum Moss, Jörgen Aichperger zu Seldenaw, Hannsen Frawnnberger ze Prunn, Erasem Ahaymer zu Wildenaw, Greiff Mautter zu Kaczenperg, Peter Schonstetter zu Warmpach, Seitz Puechperger zum Wildenstain, Degenharten Watzmanstorffer zu Leoprechting an in bringen lassen, die haben souil mit im geredt und in daran geweiset, wie daz er umb sein spruch und vordrang, so er zu ew vermainet ze haben, vor uns und unsern edeln gesworn reten recht gern nemen und sich rechttlich da entschaiden welle lassen an verrer auszüg und waigrung. Hiett ir dann zu im icht ze sprechen, daz die sach antreff, darumb wolt er euch an derselben stat auch gern rechttens sein vor den benanten unsern edeln gesworn raten an verrer waigrung und ausczüg, doch daz sölher rechttag hie zwischen vnd sand Michels tag schirstkünftig von uns geseczt und yetwederm tail vier wochen vorhin verkündet wurde. Das schreiben wir ew also zue, ob ir solhs aufnemen woldet, daz uns dann das widerumb von ew zugeschriben und darauf anlas und annder nottdürftig brief geuertigt würden, damit solhs ain fürgangk gewün. Geben ze Passaw an mitichen vor sand Philipps und sand Jacobs tag, anno domini etc. quadragesimo quinto.||
Leonart2 von gots gnaden bischoue zu Passawe.
Source Fulltext: PANGERL, Goldenkron (=FRA II/37, Wien 1872) S. 455-456
Notes:
1 Ein Sohn des oben (N. CLIVa) genannten Heinrich von Puchperg.
2 Dr. Leonhart von Layming, Bischof von Passau von 1425 -1451. Ueber denselben Erhard, Gesch. d. Stadt Passau, I. 163 und ff.
Places
- Passau
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
