BONIFATIUS episcopus servus servorum dei dilectis filiis . . abbati et conventui monasterii sanctae Mariae ad Sanctam Coronam Cisterciensis ordinis Pragensis diocesis salutem et apostolicam benedictionem! Magnae devotionis affectus, quem ad nos et Romanam geritis ecclesiam, promeretur, ut ea vobis favorabiliter concedamus, quae vestris et monasterii vestri utilitatibus conspicimus expedire. Hinc est quod nos vestris supplicationibus inclinati ac in relevamen onerum pro tempore, quae vos subire oportet, de alicuius subventionis auxilio providere volentes, sancti Wengeslai in Notelicz¹ et sancti Nicolai in Boleticz ac sanctae Mariae in Keyow nec non sanctae Mariae Magdalenae in Schernicz atque² in Chwalsungen Pragensis diocesis parrochiales ecclesias, quae de iure patronatus praedicti monasterii existunt, et quarum sexaginta cum omnibus iuribus et pertinentiis. suis eidem monasterio, cuius trecentarum marcharum argenti puri fructus, redditus et proventus secundum communem extimationem valorem annuum ut asseritis non excedunt, auctoritate apostolica perpetuo incorporamus, annectimus et unimus, ita quod cedentibus vel decedentibus dilectis filiis sancti Wenczeslai in Notelicz et sancti Nicolai in Boleticz ac sanctae Mariae in Keyow nec non sanctae Mariae Magdalenae in Schernicz atque in Chualsungen ecclesiarum praedictarum rectoribus aut alias ipsas quomodolibet dimittentibus possitis per vos vel alium seu alios corporalem possessionem earundem ecclesiarum auctoritate propria apprehendere ac nancisci, nec non retinere perpetue in usus vestros proprios, sancti Wenceslai in Notelicz et sancti Nicolai in Boleticz ac sanctae Mariae in Keyow nec non sanctae Mariae Magdalenae in Schernicz atque in Chwalsungen ecclesiarum praedictarum huiusmodi fructus, redditus et proventus in supportationem committere pro tempore onerum praedictorum ac etiam deputare, diocesani loci ac cuiuslibet alterius consilio vel assensu super hoc minime requisito, ita tamen quod curam animarum sancti Wenczeslai in Notelicz et sancti Nicolai in Boleticz ac sanctae Mariae in Keyow nec non sanctae Mariae Magdalenae in Schernicz atque in Chwalsungen ecclesiarum praedictarum per ydoneos monachos praedicti monasterii ad nutum abbatis pro tempore existentis dicti monasterii ponendum dumtaxat et removendum gubernari, et in eisdem ecclesiis in divinis obsequiis laudabiliter deserviri faciatis, solitusque in eis ministrorum numerus nullatenus minuatur, iuraque episcopalia persolvatis et supportetis sancti Wenczeslai in Notelicz et sancti Nicolai in Boleticz ac sanctae Mariae in Keyow nec non sanctae Mariae Magdalenae in Schernicz atque in Chwalsungen ecclesiarum huiusmodi onera consueta, non obstantibus tam felicis recordationis Alexandri papae III. ac IIII. et Bonifacii VIII. praedecessorum nostrorum Romanorum pontificum quam aliis constitutionibus apostolicis nec non statutis et consuetudinibus monasterii praedicti et Cisterciensis ordinis, sub quo in eodem monasterio estis iugo dominico mancipati, quibuscunque contrariis iuramento, confirmatione apostolica vel quacunque firmitate alia roboratis. Seu si aliqui super provisionibus sibi faciendis de huiusmodi parrochialibus ecclesiis vel aliis beneficiis ecclesiasticis in illis partibus speciales vel generales nostras vel praedecessorum nostrorum Romanorum pontificum aut legatorum sedis apostolicae litteras impetrarint, etiam si per eas ad inhibitionem; reservationem et decretum vel alias quomodolibet sit processum, quas quidem litteras et processus habitos per eosdem ad sancti Wenczeslai in Notelicz et sancti Nicolai in Boleticz ac sanctae Mariae in Keyow nec non sanctae Mariae Magdalenae in Schernicz atque in Chwalsungen ecclesias praedictas volumus non extendi, sed nullum per hoc eis quoad assecutionem parrochialium ecclesiarum aut beneficiorum aliorum praeiudicium generari, et quibuscunque litteris, indulgentiis et privilegiis apostolicis generalibus vel specialibus, quorumcunque tenorum existant, per quae praesentibus non expressa vel totaliter non inserta effectus earum impediri valeat quomodolibet vel differri, et de quibus quorumque totis tenoribus de verbo ad verbum haberi debeat in nostris litteris mentio specialis. Volumus autem et auctoritate praedicta decernimus, quod per nostras aut successorum nostrorum Romanorum pontificum, qui erunt pro tempore, ordinationes sive revocationes aut cassationes generales unionum parrochialium ecclesiarum sive aliorum beneficiorum ecclesiasticorum quorumlibet ecclesiis vel monasterii sive aliis beneficiis ecclesiasticis quibuscunque eadem auctoritate factarum, quae tunc effectum sortitae non fuerint, sive quibusvis tenore seu forma verborum forsan edendas sive faciendas praesentibus nullatenus derogetur, nisi de illis de verbo ad verbum specialis et expressa ac nominatim in ordinationibus, revocationibus sive cassationibus ipsis mentio habeatur. Et insuper exnunc irritum decernimus et inane, si secus super hiis a quoquam quavis auctoritate scienter vel ignoranter contigerit attemptari. Nulli ergo omnino hominum liceat hanc paginam nostrae unionis, annexionis, incorporationis, voluntatis et constitutionis infringere vel ei ausu temerario contraire. Si quis autem hoc attemptare praesumpserit, indignationem omnipotentis dei et beatorum Petri et Pauli apostolorum eius se noverit incursurum. Datum Romae apud sanctum Petrum, Nonas Julii, pontificatus nostri anno undecimo.||
Auf dem Umbug links: Gratis de mandato domini nostri papae. Eckardus.||
Unter demselben: A. de Portugrinario (?).||
Auf der Rückseite: ein Monogramm.

Source Fulltext: PANGERL, Goldenkron (=FRA II/37, Wien 1872) S. 322-325