Ego Michael de Slychkenzdorf tunc judex campi ex parte dominorum de Kv^enring cum uxore mea domina Gysla et heredibus nostris tenore praesentium recognoscimus coram universis Christi fidelibus tam praesentibus quam futuris . . quod matura deliberatione praehabita bona nostra et libera voluntate venerabilibus et religiosis viris dominis Sybbotoni abbati et conventui de Sancta Corona ordinis Cysterciensis Pragensis dyocesis domum nostram in villa ,apud vinitores‘¹ nuncupata in Austria circa Cremsam contra curiam dominorum de Campoliliorum directe situatam vendidimus pro LXVIII talentis et dimidio talento denariorum Wynensium, jure hereditario libere possidendam, de qua pecunia protestamur nobis per eosdem dominos monasterii Sanctae Coronae abbatem et conventum fore totaliter satisfactum, de qua etiam domo et eius pertinentiis idem domini abbas et conventus pro jure emphyteotico id est purchrech singulis annis in festo sancti Mychaelis dominis de Spiritibus id est de Gaysten tres solidos et dominis de Campoliliorum praedictis LXXX denarios et IIII denarios Wynensis monetae officiali praedictorum dominorum de Kvnring solvere tenebunt. Ne autem aliqui heredum aut amicorum nostrorum memoratos dominos abbatem et conventum in praefata domo valeant aliquatinus impedire, bona nostra fide promittimus sine dolo, ipsis praedictam domum per spatium unius anni et diem juxta consuetudinem terrae Australis per omnia disbrigare. In quorum omnium testimonium et evidentiam sigillum meum videlicet supradicti Mychaelis de Slychkendorf praesentibus est appensum. Datum et actum anno domini millesimo CCC^o tricesimo VII^o, feria quinta ante festum beatorum apostolorum Symonis et Judae.

Source Fulltext: PANGERL, Goldenkron (=FRA II/37, Wien 1872) S. 91