In nomine domini amen. Anno a nativitate eiusdem M^o CCC^o nonagesimo¹ indictione . . pontificatus sanctissimi in Christo patris et domini nostri domini Bonifacii divina providentia papae noni anno sexto, mensis . . die . . hora . . in regulari capitulo domus seu monasterii Sanctae Coronae Cisterciensis ordinis Pragensis diocesis, in mei notarii publici infrascripti, testiumque praesentia subscriptorum constituti personaliter venerabiles et religiosi viri Arnoldus abbas, T. prior etc. totusque conventus monasterii Sanctae Coronae de mandato dicti domini abbatis conventualiter in dicto monasterio Sanctae Coronae ordinarie ad sonum campanae convocati et coadunati, dicti monasterii conventum vel saltim saniorem partem conventus praedicti repraesentantes ac facientes, ratificando, laudando et approbando omni meliori modo, iure et forma, quibus efficacius id fieri poterat et potest, omnia et singula acta, facta, gesta et procurata et impetrata tam in Romana curia quam extra in partibus eorum quibuscunque iudicibus delegatis, subdelegatis, auditoribus et aliis executoribus trium sententiarum diffinitivarum pro eis contra Johannem Benessii praepositum ecclesiae sancti Petri Wissegradensis prope Pragam super nonnullis villis, agris, pascuis, piscinis, silvis, iure patronatus et rebus aliis, de quibus in dictis sententiis diffinitivis mentio habetur, per honorabilem virum magistrum Rotherum de Balhorn in Romana curia procuratorem et de novo omnibus melioribus, via, iure, modo, ratione (?), quibus melius et efficacius fieri potest et debet, fecerunt, constituerunt et ordinaverunt eorum verum, certum, legitimum et indubitatum procuratorem, actorem, factorem, negotiorum eorundem gestorem et nuntium specialem et generalem, ita tamen quod specialitas generalitati non deroget nec econtra dominum magistrum Rotherum absentem tamquam praesentem, dantes et concedentes eidem plenam et liberam potestatem ac mandatum speciale et generale, ita tamen quod specialitas generalitati non deroget, nec econtra ad impetrandum et contradicendum quascunque litteras apostolicas in audientia contradictorum dicti domini nostri papae tam simplices quam gratiam in se continentes, sive legendum et ad procurandum ipsas literas apostolicas contra quascunque personas, cuiuscunque status aut conditionis existant, et praesertim ad praesentandum literas executorias apostolicas et exhibita nuncupatas super dictis sententiis diffinitivis quibuscunque iudicibus impetratis aut impetrandis ac datis et dandis nec non processus poenales, sententias excommunicationis, suspensionis et interdicti in se continentes desuper fieri petendum, ipsosque processus gravari et reaggravari ac invocationem auxilii secularis brachii fieri petendum et legendum, notificandum, insinuandum et publicandum, legi, notificari et insinuari ac publicari faciendum quascunque litteras apostolicas gratiam seu iustitiam in se continentes, et praesertim literas apostolicas executoria nuncupatas et trium sententiarum et condempnationis et taxationis expensarum instrumenta per reverendos patres ac venerabiles et circumspectos viros dominos Bertrandum episcopum Eugubinum, Nycolaum electum Potentinum et Jacobum Floriani decanum Gneznensem sacri palatii apostolici causarum auditores latarum et factarum ac processus quoscunque inde secutos et subsequendos, habitos et habendos de et super dictis villis, agris, pascuis, piscinis, silvis ac bonis et rebus in huiusmodi sententiis expressis confectos seu conficiendos reverendo in Christo patri et domino domino dei gratia archiepiscopo Pragensi ac venerabilibus et discretis viris dominis decano et capitulo, singulisque canonicis et personis ipsius ecclesiae sancti Petri Wissegradensis et quibusvis aliis etiam dignitates, personatus et amministrationes, officia seu beneficia quaecunque in eadem ecclesia obtinentibus, quocunque nomine seu titulo censeantur, ac executoribus seu subexecutoribus super dictis villis, agris, pascuis, piscinis, silvis et aliis bonis et rebus praedictis pro ipsis dominis abbate et conventu constituentibus et contra Johannem Benessii praepositum ecclesiae sancti Petri Wissegradensis praedictum deputatis seu deputandis seu eorum alteri, omnibusque aliis et singulis quorum interest seu interesse poterit, coniunctim vel divisim nec non iuxta earundem literarum apostolicarum executoria et exhibita nuncupatarum ac instrumentorum et processuum huiusmodi ex eisdem confectorum seu conficiendorum formam et tenorem procedi, executionem fieri et debitae executioni demandari, ipsisque processibus et sententiis pareri, seque nomine ipsorum dominorum constituentium in corporalem, realem, actualem, integram et pacificam possessionem vel quasi dictarum villarum, agrorum pascuorum, piscinarum, silvarum et bonorum ac reruni aliarum, prout est moris, recipi et admitti et induci ac restitui et reintegrari, ac omnium iurium et pertinentium ac emolumentorum eorundem petendum et obtinendum et ipsorum fructus, redditus et proventus, iura et obventiones petendum, exigendum, levandum, locandum, vendendum et arrendandum, et ad firmam seu annuam pensionem dandum et concedendum nec non quitandum et absolvendum solventes et pactum de ulterius non petendo faciendum, nec non condemnationem et taxationem trecentorum et quinquaginta ac quadraginta florenorum auri de camera ratione expensarum seu cuiuscunque alterius summae, qua dictus Johannes Benessii praepositus extitit condemnatus vel forte in futurum condempnaretur, dictis dominis abbati et conventui pro expensis ac nomine expensarum litis in huiusmodi factis et habitis, ac fructus per ipsum Johannem Benessii praepositum seu quemcunque alium a tempore motae litis citra perceptis, ceteraque dampna, expensas et interesse taxari et moderari taxandum, petendum et obtinendum ipsosque et quoscunque alios ipsius constituentis nomine a dicto Johanne Benessii praeposito et a quocunque seu quibuscunque personis tam ecclesiasticis quam secularibus, cuiuscunque status, gradus et ordinis vel conditionis fuerit exigendum, levandum, recuperandum et recipiendum et de receptis, habitis et levatis finem, quitationem et pactum de ulterius non petendum, faciendum nec non si expediens fuerit, ipsum Johannem Benessii et omnes et singulos ipsos praenominatos in poenas et censuras et sententias in ipsis processibus fulminatas et eorum quemlibet declarare incidisse, processusque aggravare et capitulum suspensum et ecclesiam praetactam interdictam pronuntiari, ipsumque Johannem Benessii ac quoscunque occupatores et detentores dictarum villarum etc. eorundemque bonorum et iurium privari beneficiis obtentis et inhabilitari inposterum ad obtinenda, et ad invocandum ad hoc si opus fuerit contra dictum Johannem Benessii et quascunque alias personas auxilium brachii secularis totiens quotiens fuerit oportunum seu eis vel eorum alteri videbitur expedire, petendum et obtinendum et pro praemissis omnibus et singulis si opus fuerit ad agendum, ipsumque defendendum libellum seu libellos ac quascunque petitiones summarias dandum et recipiendum et replicandum litem seu lites contestandum de calumpnia et veritate dicenda et cuiuslibet alterius generis licitum iuramentum in animam ipsorum dominorum abbatis et conventus praedictorum praestandum, ponendum et articulandum, positionibus et articulis partis adversae respondendum; testes, instrumenta et literas et quascunque alias probationes alias producendum, crimina et defectus apponendum, testes adversae partis iurare videndum et in ipsos et eorum dicta dicendum, exceptiones cuiuscunque generis proponendum, in causa seu causis concludendum, sententiam seu sententias tam interlocutorias quam diffinitivas ferri petendum et audiendum, expensas taxari petendum et pro eisdem agendum et a quocunque gravamine illato et inferendo appellandum, appellationes intimandum et notificandum, apostolos iuxta formam iuris petendum et recipiendum, ac beneficium absolutionis et restitutionis in integrum et simpliciter et ad cautelatn totiens quotiens fuerit oportunum obtinendum, unum vel plures procuratorem seu procuratores loco eorum vel alicuius ipsorum substituendum, ipsumque et ipsos revocandum et mandatum huiusmodi in se reassumendum, quotiens eis vel eorum alteri videbitur expedire, et generaliter omnia et singula alia faciendum, gerendum et exercendum, quae in praemissis et circa ea et quolibet praemissorum necessaria fuerint seu quolibet oportuna, etiam si talia forent, quae mandatis exigant magis, speciale promittentes mihi notario publico infrascripto, stipulantes et recipientes gratum, ratum, firmum perpetue habituri, quidquid per dictum eorum procuratorem aut substitutum seu substitutos ab eo actum, factum, gestum et procuratum fuerit in praemissis seu quolibet praemissorum, ac relevantes et relevare volentes eundem ab omni onere satis dandi. Promiserunt insuper iudicia sisti et iudicatum solvi cum omnibus suis clausulis necessariis et oportunis sub rerum et bonorum suorum omnium praesentium et futurorum obligatione et ypotheca. Super quibus omnibus et singulis praedicti constituentes petierunt sibi fieri per me notarium publicum infrascriptum unum vel plura publicum seu publica instrumenta. Acta fuerunt haec tempore et loco superius designatis, praesentibus . . . . .

Source Fulltext: PANGERL, Goldenkron (=FRA II/37, Wien 1872) S. 274-278