Charter: Archivy českých klášterů zrušených za Josefa II. (1115-1760) // ŘC Zl. Koruna 1405 III 21
Signature: 1405 III 21
Add bookmark
Edit charter (old editor)
21. März 1405, Netolitz
Die Pfarrer Wenzel von Kaplitz, Chwal von Cheltschitz und Frank von Duben, dann der Ritter Peter von Malowitz entscheiden als hiezu erwählte Schiedsrichter den Streit zwischen dem Kloster Goldenkron und dem Netolitzer Pfarrer Matthias um einen Graben, einen Steig und eine Wiese, gelegen bei Netolitz.Source Regest: PANGERL, Stift Goldenkron (=FRA II/37, Wien 1872), S. 342, Nr. 144
x
In nomine domini amen. Anno nativitatis eiusdem millesimo quadringentesimo quinto, indictione tredecima, die vero vicesima prima mensis Martii, hora quasi vesperorum, pontificatus sanctissimi in Christo patris et domini nostri domini Innocentii divina providentia papae septimi anno ipsius primo, in opido Netolicz in domo et stuba providi viri Jaclini judicis, in mei notarii publici infrascripti et testium praesentia subscriptorum constituti personaliter venerabilis pater dominus Stephanus abbas, Adam cellerarius, Johannes magister pistorum, Gerhardus in Chlum magister curiae, Hermannus magister curiae in Chwalouicz1 suo et sui conventus nomine monasterii Sanctae Coronae Cisterciensis ordinis Pragensis diocesis parte ex una, et Mathias rector parrochialis ecclesiae in Netolicz dictae Pragensis diocesis parte ex altera, volentes litium amfractus amputare, labores evitare et sumptibus ac expensis parcere; hincinde non compulsi, non coacti, non circumventi, sponte, libere de et super omnibus quaestionibus, materiis, quaestionum litibus, contraversiis hincinde quomodolibet exortis et coram quibuscunque iudicibus in curia Romana et extra ventilatis, vertentibus seu quibusvis aliis quaestionibus emergentibus, incidentibus et connexis, nichil obmittentes super impensis, expensis, actis et factis in causa seu causis, quam et quas dictus Mathias movit praescripto abbati et conventui nec non opidanis opidi Netolicz ratione cuiusdam fossati et semitae confrontatis agris ecclesiae suae in Netolicz circa viam, qua itur de opido Netolicz ad castellum2, et ratione cuiusdam prati sibi et ecclesiae suae per quendam quondam Nicolaum dictum Waldner positum in extremis ut asserebat delegati, et occasione quarumcunque rerum seu quorumcunque negotiorum, in honorabiles viros, videlicet domini abbas et conventus in religiosum et honorabilem virum dominum et ffratrem Wenceslaum Praemonstratensis ordinis rectorem parrochialis ecclesiae in Caplicz, et ffamosum Petrum armigerum de Malowicz, et Mathias plebanus in Netolicz in honorabiles viros dominos Chwalonem et Ffrankonem in Chelczycz et Dubna3 ecclesiarum parrochialium rectores, arbitros, arbitratores, amicabiles compositores communes, amicos et bonos viros de alto et basso compromiserunt, dantes et concedentes eisdem arbitris meliori modo, via juris et forma quibus melius et efficacius fieri potest et debet, plenam liberam et omnimodam potestatem super omnibus et singulis praemissis arbitrandi, cognoscendi, examinandi, ordinandi, laudandi, pronuntiandi, terminandi et diffiniendi verbo vel in scriptis sine strepitu et figura. judicii, partibus vocatis vel non vocatis, omni juris solempnitate vel subtilitate obmissis, utraque parte praesente vel absente, aut una praesente et alia absente, quocumque, quandocumque, ubicumque et qualitercumque ipsis arbitris visum fuerit et videbitur expedire. Insuper praefatae partes promiserunt solempnibus stipulationibus intervenientibus parere, stare, obedire laudo, arbitrio, praecepto, pronuntiationi et diffinitioni dictorum arbitrorum, arbitrataque per eosdem et diffinita emologare (sic, emulgare), approbare, rata atque grata habere, et contra ipsorum pronuntiationem nullo modo venire, non contrariari eidem de jure vel facto, et contra eandem non appellabunt nec appellationem prosequentur, nullum rescriptum vel privilegiam impetrabunt, nec impetrato seu impetratis utentur, nullam exceptionem ponent, restitutionem in integrum non petent, quodque non utentur cuiuscunque juris vel canonis, statuti vel consuetudinis beneficio vel auxilio, quod vitiet, vitiareque possit hoc compromissum seu pronuntiationem in toto vel in parte, et quod si contra praemissa vel aliquod praemissorum fecerint, promiserunt solempniter ut est praemissum sibi invicem, quod pars huiusmodi arbitrium sive laudum, pronuntiationem in toto vel in quaeunque parte non observans, a compromisso recedens, totiens quotiens contravenerit, parti tenenti centum sexagenas grossorum Pragensium nomine poenae persolvat et persolvere debet sub observantia honoris et fidei puritate, ac onmia dampna, expensas, impensas, interesse, quae, quas, quod ipsam partem servantem pronuntiationem facere contingeret vel etiam sustinere ob praemissa resarcire, quae omnia et singula in huiusmodi compromisso contenta dictae partes hincinde promiserunt firmiter ac inviolabiliter observare. Constituti igitur honorabilis et religiosus vir dominus et ffrater Wenceslaus Praemonstratensis ordinis rector parrochialis ecclesiae in Caplicz et ffamosus Petrus armiger de Malowicz pro parte domini abbatis et conventus superius descriptorum, atque honorabiles viri Chwal et Ffranko in Chelczycz et Dubna ecclesiarum parrochialium plebani dictae Pragensis diocesis pro parte memorati Mathiae plebani in Netolicz, arbitri et amicabiles compositores super lite et controversia, quae vertitur et verti sperabatur inter dictas partes ratione fossati, semitae et prati, prout superius describitur, et generaliter omnibus aliis emergentibus, incidentibus et connexis, quae vertuntur seu verti sperabantur seu quocunque modo occasione praemissorum verti possunt inter eos, ut superius plenius continetur, visis, auditis, intellectis ac examinatis partium juribus, deliberatione praehabita diligenti, pro bono pacis et concordiae ex vigore compromissi in eos facti, ordinarunt, laudarunt, arbitrarunt, pronuntiarunt et diffinierunt, quod dictus Mathias rector parrochialis ecclesiae in Netolicz ducentos ducatos vel Vngaricales florenos auri iusti et boni ponderis memorato domino abbati et conventui, divisim tamen in festivitatibus sanctorum Galli proxime venturi centum florenos et Georgii deinde immediate sequturi (sic) reliquos centum florenos sine renitentia qualibet pagabit et persolvet. Quod si non fieret et in aliquo vel quocumque praedictorum terminorum termino aut infra octo dies inmediate sequentes negligentia solutionis dictorum florenorum per supradictum Mathiam committeretur, extunc memoratus dominus abbas et conventus aut quicumque seu qualescumque procuratores nomine ipsorum omnes census in et super censualibus et censitis dicti Mathiae arestabunt et tollent, tamdiu et quousque capitalis summa cum dampnis qualitercumqae desuper accrescentibus in toto et integraliter non fuerit persoluta, renitentia et oppositione eiusdem Mathiae vel alterius seu aliarum personae aut personarum interpositae sive nomine ipsius interpositarum qualibet non obstante. Hoc etiam adiecto quod dictus Mathias ob non solutionem praedictorum florenorum vel alicuius eorum partis causam suam perdat in omnibus suis punctis nec petat restitutionem in integrum. Super aliis vero quae praescriptus Mathias petebat a domino abbate et conventu memoratis nec non opidanis opidi ipsorum Netolicz, quia suam intentionem probare non potuit, dictos abbatem et conventum nec non opidanos opidi ipsorum Netolicz ab eius impetitione duxerunt absolvendos, eidem Mathiae super eis silentium perpetuum imponentes. Super praemissis omnibus dictae partes per me notarium publicum infrascriptum petierunt unum vel plura, publicum seu publica confici instrumenta. Acta sunt haec anno, indictione, die, mense, hora, pontificatu et loco quibus supra, praesentibus dictis partibus et dictas pronuntiationem, arbitrationem, diffinitionem expresse emologantibus seu approbantibus, et ratam atque gratam habentibus, nec non honorabilibus viris Nicolaio et Johanne in Stryczycz et in Hlawatecz4 ecclesiarum parrochialium rectoribus nec non discretis viris Petro conventore fructuum et reddituum ecclesiae in Elhenicz, Mathia vicario et praedicatore Theutunicorum in Netholicz5 testibus ad praemissa vocatis specialiter et rogatis. Et ad maiorem evidentiam omnium praemissorum supranominati arbitri sigilla sua de ipsorum certa scientia praesentibus appenderunt.||
Signum Tabellionatus||
Et ego Johannes natus Nicolai de Stropnicz clericus Pragensis diocesis publicus,apostolica et imperiali auctoritatibus notarius praedictis compromisso, arbitrationi, pronuntiationi, omnibusque aliis et singulis, dum sic ut praemittitur fierent et agerentur, una cum praenominatis testibus praesens interfui, eaque omnia et singula sic fieri vidi et audivi ac manu propria conscripsi et in hanc publicam formam redegi, signoque et nomine mei solitis et consuetis consignavi, rogatus et requisitus in fidem et testimonium omnium praemissorum.
Signum Tabellionatus||
Et ego Johannes natus Nicolai de Stropnicz clericus Pragensis diocesis publicus,apostolica et imperiali auctoritatibus notarius praedictis compromisso, arbitrationi, pronuntiationi, omnibusque aliis et singulis, dum sic ut praemittitur fierent et agerentur, una cum praenominatis testibus praesens interfui, eaque omnia et singula sic fieri vidi et audivi ac manu propria conscripsi et in hanc publicam formam redegi, signoque et nomine mei solitis et consuetis consignavi, rogatus et requisitus in fidem et testimonium omnium praemissorum.
Source Fulltext: PANGERL, Goldenkron (=FRA II/37, Wien 1872) S. 342-346
Notes:
1 Von einer Oertlichkeit Chlum, welche sich also auf dem Goldenkroner Herrschaftsgebiete befunden haben müsste, mit einem stiftischen Hofe daselbst ist eben nur das in vorstehender Urkunde Gesagte bekannt. Chlum in der Kremser Pfarre kann es auf keinen Fall gewesen sein, einmal weil dieses ausserhalb des Herrschaftsgebietes liegt und weil zweitens der gleichzeitige Besitz desselben in der Familie der Smilonen von Chlum und Krems erwiesen ist (s. N. CXLI). Auf dem alten stiftischen Gebiete ist dagegen der Ortsname Chlum gegenwärtig unbekannt, es gibt aber daselbst einen Kumwald (im westlichen Theile des Kalschinger Bezirkes), welcher offenbar an das slavische Chlum (Hügel, Berg) erinnert. In dieser Gegend möchten wir nun die ,curia in Chlum‘ suchen und sonst vermuthen, dass eines der um den Kumwald gelegenen Dörfer zugleich mit Aenderung des Hofnamens aus diesem Hofe hervorgegangen ist. Um so leichter ist der andere Hof nachweisbar; Chwalovicz ist die heutige Ortschaft Kolowitz (Chwalowice), sö. von Netolitz und abseits von derselben die Kimmelmühle! Vergl. Trajer, Diöcese Budweis, S. 104.Clum muss im Gebiete des Hirzonischen Gutes gesucht werden, vgl. S. 17.
2 S. die Anmerk. 2 zur vorhergehenden Urkunde.
3 Chelčitz (Chelčice) im Bezirke von Netolitz und Duben (Dubné) im Bez. von Budweis. Das vorgehende Kaplitz ist der Hauptort des gleichnamigen Bezirkes und die dortige Pfarrkirche schon von altersher von Prämonstratensern aus dem Kloster Mühlhausen (Milovicium, Milewsko) versehen worden. Trajer a. a. O. S. 281.
4 Stritschitz oder Stryčitz (Strýčice) im Bezirke von Budweis (Patronat des Stiftes Hohenfurt) und Hlawatetz (Hlawatce) im Bezirke von Sobieslau.
5 Mit Ausnahme des Dorfes Bowitz, welches zweisprachige Einwohnerschaft hat, gilt die Pfarre Netolitz gegenwärtig als böhmisch. Merkwürdiger Weise hat in diesem Theile des Goldenkroner Gebietes das deutsche Element, welches hier sogar eine Stadt gegründet hatte, dem slavischen, das freilich hier auch zahlreicher vertreten war als anderswo, wieder weichen müssen. Der oben genannte Prediger liefert aber den Beweis, dass im J. 1405 also vor der hussitisehen Bewegung, Netolitz eine ansehnliche Anzahl deutscher Bürger in seinen Mauern barg.
Places
- Netolitz
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
