Wir Sigmund von gotes gnaden Romischer kunig, zu allen zeitten merer des reichs und zu Vngern, zu Behem etc. kunig, embieten dem hochgebornen Albrechten herczogen zu Osterreich etc. unserm lieben sun und fursten unser gnad und alles gut. Hochgeborner. lieber sun und forste! Wann wir mit rate der kurfursten und anderr fursten alle und ygleiche geistleiche und klostergüter zu Behem, die wir verschriben hatten, widerrufft haben mit unsern maiestatbrieff, daz soliche verschreibung, die wir also getan haben, kraftlose und machtlos sein sollen, und daz alle kloster und geistlich person ir güter wider sullen haben, und nemleich das claster zu der Heiligen Cron, das deiner lieb zum Budweis¹ wol gelegen ist und von dir und den deinen am besten mag beschirmet werden. Darumb mit rechter wissen bephelhen wir deiner lieb das egenannte kloster zu der Heiligen Cron und begern und pitten dich, daz du es mit allen seinen gutern, hofen, dorffern, velden, teichen und allen seinen zugehorungen an unser stat in deinen schucz vnd scherme nemest und sy in dy egenanten ire guter wider inseczen und vor allen gewalt allermenigleich beschirmen und hanthaben wellest, got dem almechtigen zu eren und uns zu sunderlichen wolgeualen. Mit urkund disz briefs versigelt mit unserm kuniglichen aufgedruchtem insigel. Der geben ist zu Nurenberg nach Christi gepurd vierczehenhundert und darnach in dem zwai und cwainczigisten jar, am phincztag nach Bartholomaei, unser reiche des Vngrischen etc. in dem XXXVI., des Romischen in dem XII. und des Beheimischen in dem dritten jaren.||
Ad mandatum domini regis||
Ffranciscus praepositus Strigoniensis.

Source Fulltext: PANGERL, Goldenkron (=FRA II/37, Wien 1872) S. 412-413