Nos Paulus miseratione divina ordinis Cisterciensis monasterii beatae virginis Altivadensis, Gerhardus eiusdem ordinis monasterii Sanctae Coronae abbates, Wilhelmus iunior de Risenbergk et de Rabie, Wilhelmus de Hersstain barones inclyti regni Bohemiae, Przibl de Mladiegowicz et Erasmus de Michnicz¹ protunc purgravius castri Maydstain praesentis scripti patrocinio publice recognoscimus et profitemur, quod cum magnifici et excellentes domini dominus Vlricus de Rosenberk, Henricus, Johannes et Jodocus² fratres germani et filii domini Vlrici praescripti de Rosenberk unanimi omnium consensu, beneplacito et voluntate specialibus votivis nos accersiri censuerunt precibus, quatenus omnes et singuli et singulariter omnes sua personali praesentia ad castrum habitationis ipsorum Crumpnaw adeundi dare velimus operam efficacem. Nobis itaque in eodem Castro Crumpnaw constitutis plurimas divi Sigismundi Romanorum imperatoris invictissimi ac Hungariae et Bohemiae regis etc. litteras suae magestatis sigillo pendenti munitas obtulerunt in et super plurium bonorum obligationibus et certis debitis atque dampnis priscis temporibus intuitu suae magestatis perceptis, quas quidem pro pulcro stilo et modulo ac proportione confectas litteras sanas et integras, non rasas aut cancellatas, nec in aliqua sui , parte suspectas, sed omni prorsus vitio et defectu ac suspicione carentes solertissime coperimus (sic, comperimus) esse directas, quarum quidem litterarum tenor de verbo ad verbum per omnia sequitur et est talis: (Folgt nun der Wortlaut [theils in lateinischer theils in böhmischer Sprache] der auf die Verpfändung der Herrschaften Prachatitz und Wallern [sonst dem Wyschehrader Capitel gehörig] so wie gewisser Stift-Goldenkroner Dörfer bezüglichen Urkunden des Königs Sigmund ddto. Kuttenberg, 21. December [Thomas], 1421 - Prag, 5. Mai [Sonntag nach Kreuzerfindung], 1437 - Prag, 1. Juni, 1437 - abermals eine ddto. Prag, 1. Juni [Samst. nach Dreifalt.] 1437, welche Urkunde allein in diesem Urkundenbuche abgedruckt erscheint - Passau, 17. Octob. [Samst. nach Galli], 1422 - Kuttenberg, 31. Dec. [Silvester], 1421.) Nos itaque Paulus et Gerhardus abbates, Wilhelmus iunior de Rysenberk et de Rabie et Wilhelmus de Hersstain barones, Przibl et Erasmus omnes et singuli suprascripti praeexpressis et clarius de verbo ad verbum singulis descriptis litteris sic ut praemittitur in forma visis, perlectis, auditis et diligenter auscultatis, ad vota dictorum dominorum de Rosenbergk et beneplacitum speciale hanc litteram vidimus, non per errorem aut inprovide sed animo deliberato et de certa omnium nostrum scientia conficere decrevimus et conficimus per praesentes. In cuius rei evidens testimonium perpetuo firmius valiturum sigilla nostra propria cum pleno scitu et voluntate duximus appendenda. Datum in Castro Crumpnaw anno a nativitate domini millesimo quadringentesimo quinquagesimo quarto, feria quarta ante sancti Bartholomey apostoli.

Source Fulltext: PANGERL, Goldenkron (=FRA II/37, Wien 1872) S. 481-483