(I)n¹ nonime sanctae et individuae trinitatis amen. (N)os Otackarus dei gratia Boemiae rex, dux Austriae et Stiriae ac marchio Moraviae omnibus in perpetuum. (C)um ob reverentiam omnipotentis dei, in cuius manu vita principum est dependens, qui etiam bonorum omnium dulcissimus est largitor et retributor habundantissimus meritorum, religiosos quoslibet deo iugiter famulantes non solum velimus elemosinarum propriis largitionibus promovere, immo in hiis, quae ipsis aliunde a nostris fidelibus subsidiis poterunt provenire, nostra regia magnificentia confovere, divinae laudis cultum augeri cupientes temporibus vitae nostrae multiplicibus incrementis. Scire volumus tam praesentes quam futuros praesentium necessaria habituros, quod consideratis obsequiis et fidelitatis constantia, quibus dilectus et fidelis noster Hyrzo purchravius de Chlyngenberch² patri nostro piae memoriae adhuc viventi et nobis ipsi postmodum in regno succedentibus adhaesit fideliter et servivit, de consilio fidelium nostrorum suis precibus annuentes donationem sive collationem talium bonorum videlicet Nakhlenwe, Hore, Vgerc, Vmladone, Naochruhle, Vyanka, Nabelem, Chlume, Vdirka, Vmita, [bei der Mauth, unser heutiges Mauthstadt] Nemochrich, Vhlimi, Natschernerece, Nablizmerch et Nahirzowe³ villarum, quae ipsi Hyrz pater noster iure proprietario ratione suorum dederat meritorum, factam in remedium animarum progenitorum nostrorum, nostrae ac coniugis nostrae karissimae ac ipsius Hyrsonis et uxoris suae claustro nostro in honore sanctae spineae coronae doraini nostri Jesu Christi a nobis constructo pariter et fundato ratam habere volumus atque firmam, nostram ad hoc voluntatem praestantes finaliter et consensum. Huiusmodi vero bonorum collatio ab ipso Hyrzone talibus distinctionibus est subiuncta, videlicet quod ipse et uxor uxor (sic) sua eadem bona, quamdiu vixerint, libere possidebunt, et post utriusque obitum ipsa bona in possessionem dicti coenobii devolventur finaliter pacificam et quietam. Si vero Hyrso praedictus prior decesserit, et domina relicta sua cum alio viro forte matrimonium duxerit contrahendum, tunc ipsa praefata bona manebunt integraliter coenobio supradicto, et ipse abbas quicunque fuerit, dictae dominae pro eisdem bonis centum marcas argenti libere assignabit, nullum ratione dictorum bonorum habens respectum de cetero ad eandem. Sin autem non contraxerit et elegerit vidua permanere, tunc usque ad finem vitae suae bona praehabita possidebit, omnem quam potest operam et auxilium ipsi coenobio impensura. Si vero dicta domina huius mundi statum lubricum et infirmum decreverit inmutare in religione, eligens aliquam ut deo serviat, commanere, tunc ipsa iam praefata bona saepedicto claustro cedent absolute et libere pleno iure. Si vero ipsa domina prior mortua fuerit et dominus Hyrzo superstes aliam dominam ducere voluerit in uxorem, ipse Hyrzo ratione talis contractus de praefatis bonis ut dotalitium aliquod statuat ad uxorem, ordinandi nullam habebit penitus facultatem iuxta priorem suam ordinationem, usque post decursum vitae suae in bonis remanens supradictis. Praenominatus autem Hyrzo et domina uxor sua Darirza quamdiu simul vixerint vel alter eorum superstes fuerit, debent unum esocem vel pecuniam aequipollentem ad dictum coenobium dare singulis annis in memoriam praemissorum. Et ut haec iam praehabita robore firmitatis perpetuae solidentur, ipsi monasterio sanctae spineae coronae domini tytulo denominato praesens porrigimus instrumentum nostrorum sigillorum munimine roboratum, statuentes firmiter et praecise singula supradicta a nostris heredibus, quicunque nobis in regno nostro successerint, ipsi iam supradicto monasterio inviolabiter observari, sicut iuditium omnipotentis dei et iram evitare voluerint, nec non salutem propriam conservare dierum suorum longitudinem congaudendo. Testes vero qui hiis omnibus interfuerunt, hii sunt: Andreas camerarius Boemiae⁴, Vlricus purgravius Pragensis⁵, Zmilo de Lyhtenberch (sic)⁶, Purchardus marsalcus⁷, Bawarus de Zrachon(ich)⁸, Checho de Budiwogevich⁹, Gothfridus praepositus Tynensis¹⁰, Wesoborius et Hradis filii Egidii, Hyncho filius Schechonis, Vnscho subpincerna, Potho filius Prothiwae, Mrachota de Csartobor, Jacobus de Kuneho, et alii quamplures. Actum et datum in Pezka, anno M^o CC^oLX^oVIII^o, VI^o Kalendas Aprilis.

Source Fulltext: PANGERL, Goldenkron (=FRA II/37, Wien 1872) S. 15-18