Ego Lýphardus civis Chremensis et Bertha uxor sua notum facimus universis praesentium litterarum inspectoribus tam praesentibus quam futuris, quod nos deliberatione diligenti praehabita de beneplacito heredum nostrorum vendidimus iusto venditionis tytulo vineam nostram sitam in loco qui wlgariter dicitur ,an dem Chobel‘, cui vineae Chonradi dicti Goltstain et sororis Otýliae confinant, religiosis viris . . abbati et conventui monasterii de Sancta Corona ordinis Cýsterciensis pro quinquaginta libris minus una denariorum Wiennensium, quas recognoscimus nos ab ipso abbate et conventu promptas et numeratas integre recepisse, et in usus nostros necessarios et utiles convertisse, de conniventia et consensu honesti viri Georgii filii Rudlinnae domini fundi eiusdem vineae, in cuius manibus sponte renuntiavimus, cessimus et praesentibus renuntiamus et cedimus dictae vineae et omni iuri, nobis et heredibus nostris in ipsa quomodolibet competenti. Quae etiam vinea ipsis abbati et conventui per ipsum Georgium extitit recollata, salvo iure civili septem denariorum Wiennensium ipsi Georgio aut heredibus suis in festo sancti Michaelis annis singulis solvendorum. In cuius rei testimonium praesentes litteras sigillo reverendi viri domini Ludolfi decani Chremensis, coram quo etiam praemissa omnia placitata et ordinata sunt, quia proprio caruimus, petivimus fieri communitas. Huius rei testes sunt discreti viri Georgius dominus fundi praefatus, Siboto scriptor, Vlricus Chremserius, Albertus molendinator, Albertus dictus Nater et plures alii fide digni. Acta sunt haec Chremsae anno domini millesimo CCC^o XXX^o, in die beati Pancratii martyris.||
Et nos Ludolfus divina miseratione decanus et plebanus Chremensis recognoscimus praemissa omnia et singula coram nobis esse facta, et sigillum nostrum ad petitionem dictarum partium et magistri naontis praesentibus appendisse.||
Signum Tabellionatus||
Et ego Franciscus Woluelini de Brunna Olomucensis diocesis clericus publicus imperiali auctoritate notarius praedicto contractui in praesentia domini decani praedicti una cum praefatis testibus praesens interfui, et ad maiorem cautelam||
praesenti litterae subscripsi rogatus.

Source Fulltext: PANGERL, Goldenkron (=FRA II/37, Wien 1872) S. 76-77