…..nativitatis eiusdem millesimo CCC^o LXXX. primo, indictione quarta, die octava mensis Martii, horis completorii in (?) ae (?) . . . . . sanctissimi . . . . . Urbani divina providentia papae VI. anno tertio, in mei notarii publici et testium infra scriptorum . . . . . Jacobus de Budwitz clericus Olomucensis diocesis, procurator et sindicus honorabilium et religiosorum dominorum . . . . . bbatis . . . . . Coronae ordinis Cisterciensis Pragensis diocesis, de cuius procuratorio seu mandato per instrumentum publicum per me notarium . . . . . desuper confectum plene constabat, tenens in manibus suis quandam citationem seu publicum instrumentum citationem continens, in pergameno scriptam, sigillo ut prima facie apparebat, honorabilis et circumspecti viri domini Petri Gasconis legum doctoris, domini nostri papae cappellani et ipsius sacri pallatii apostolici causarum auditoris, in filo cericeo (sic, sericeo) rubeo inpendente et manu Echardi quondam Echardi clerici Chiemensis diocesis publici notarii subscripti signo et nomine consignatam, cuius initium tale fuit: (Folgt die Urkunde vom 16. November 1380.) Inferius continebatur subscriptio notarii publici superius nominati. Dictus vero Jacobus (de) Budwitz procurator requisivit discretum virum dominum Jacobum Hermanni presbyterum Olomucensis diocesis, cappellanum domini plebani ecclesiae sancti Leonardi maioris civitatis Pragensis, quod dictum mandatum seu citationis cedulam executioni debitae mandaret, et requisitus utrum vellet esse filius obediens, et dictus dominus Jacobus Hermanni respondit, quod vellet obedire, et ad exequendum dictum mandatum seu citationis cedulam ad se recepit. Acta sunt haec anno, indictione, die, mense, pontificatu quibus supra, in Wissegrado penes curiam honorabilis viri domini Wilhelmi praepositi ecclesiae Wissegradensis, praesentibus honorabilibus et discretis viris Dethmaro Fiuelhen(?) magistro in artibus et Johanne de Vritzlaria clericis Coloniensis et Maguntinensis dioceseum, ac Conrado de Netholitz laico Pragensis diocesis testibus ad praemissa vocatis specialiter et rogatis. Et mox in continenti dictus dominus Jacobus Hermanni dictam citationem seu publicum instrumentum in manibus suis retentum intravit curiam seu domum habitationis honorabilis viri domini Wilhelmi praepositi ecclesiae Wissegradensis prope Pragam et personaliter dictum honorabilem virum et dictum personaliter inventum alta et intellegibili voce peremptorie citavit eundem, quatenus septuagesima die a die huiusmodi citationis immediate sequenti, si dies ipsa septuagesima iuridictionis (sic, iurisdictionis) foret, et dictum dominum auditorem vel alium forsan loco sui subrogandum Romae vel alibi, ubi dominus noster papa cum sua curia resideret, in audientia seu palatio causarum apostolico, ubi iura redduntur, mane hora causarum ad iura reddendum in loco suo solito resideret, vel alias loco sui forsan subrogandus auditor resideret, per se vel procuratorem seu procuratores suos ydoneos ad causam seu causas, quae vertitur, vertuntur seu verti sperantur inter dictum honorabilem virum dominum Wilhelmum praepositum ac suam praeposituram ex una, et honorabiles et religiosos viros abbatem et conventum monasterii Sanctae Coronae ordinis Cisterciensis Pragensis diocesis parte ex altera, de et super nonnullis villis, silvis et rebus aliis superius nominatis sufficienter instructum seu instructos cum omnibus et singulis actis, actitatis, litteris, instrumentis, iuribus et munimentis suis quibuscunque ad causam et causas huiusmodi facientibus seu eam et eas concernentibus compareat vel compareant dicto abbati et conventui seu eorum procuratori vel procuratoribus legitimis de et super praemissis omnibus et singulis superius contentis de iustitia responsurus vel responsuri, et ad omnes et singulos actus iudiciales gradatim et successive et usque ad diffinitivam sententiam inclusive debitis et consuetis terminis ac dilationibus praecedentibus ut moris est processuri et procedi visuri, aliasque dicturi, facturi, audituri et recepturi, quod iustitia suaserit et ordo dictaverit rationis; certificavitque nihilominus praedictum honorabilem virum dominum Wilhelmum, quod sive in dicto citationis termino sic ut praemissum est compareat sive non, quod dictus auditor in causa et causis ulterius ad partes (sic, partis) comparentis instantiam procederet seu dictus subrogandus dicti domini Gasconis (?) procuratoris seu procuratorum suorum absentia seu contumacia non obstante procedet. Qua citatione seu executione citationis huiusmodi sic facta praefati tam Jacobus procurator quam Jacobus executor hinc inde de huiusmodi executionis requisitione et citationis executione petierunt sibi per me notarium publicum infrascriptum unum vel plura, publicum seu publica confici instrumentum seu instrumenta. Acta sunt haec anno, indictione, die, mense, hora et pontificatu quibus supra, in Wissegrado, in domo habitationis dicti domini Wilhelmi praepositi supradicti, in aestuario parvo superiori hyemali seu studerio ipsius praesentibus honorabilibus et discretis viris Dethmaro Fiuelhen(?) magistro in artibus, Hanconi(!)de Butweiz clericis Coloniensis et Pragensis dioceseum, et Nicolao de Weltr. domicello et familiari dicti domini praepositi, testibus ad praemissa vocatis specialiter et .....

Source Fulltext: PANGERL, Goldenkron (=FRA II/37, Wien 1872) S. 162-165