In nomine domini amen. Pridem sanctissimus in Christo pater et dominus noster dominus Bonifacius divina providentia papa nonus causam et causas cuiusdam appellationis interpositae pro parte honorabilis viri domini Johannis Benessij praepositi ecclesiae sancti Petri Wissegradensis prope Pragam a quadam diffinitiva sententia per reverendum patrem dominum Bertrandum episcopum Eugubinum sacri palatii apostolici causarum auditorem pro venerabilibus et religiosis viris dominis abbate et conventu monasterii Sanctae Coronae ordinis Cisterciensis Pragensis diocesis lata in causa et causis, quae vertebantur coram eodem domino episcopo Eugubino inter dictos abbatem et conventum ex una et praefatum dominum Johannem Benessij praepositum de et super quibusdam villis, iuribus, iurisdictionibus, silvis, terris, possessionibus et aliis rebus in huiusmodi causa deductis et eorum occasione parte ex altera nobis Nicolao de Viuianis electo Potentino dicti palatii causarum auditori cominisit audiendas, decidendas et fine debito terminandi (sic, terminandas) cum omnibus et singulis emergentibus, incidentibus, dependentibus et connexis. Cuius quidem commissionis vigore nos in causa seu causis humsmodi rite et legitime procedentes ad discreti viri magistri Roteri de Balhorn in Romana curia et dictorum dominorum abbatis et conventus monasterii Sanctae Coronae principalium procuratoris instantiam providum virum magistrum Johannem Scrinan. in eadem curia et praelibati domini Johannis praepositi ex adverso principalis procuratorem, de quorum procurationum mandatis in actis causae et causarum huiusmodi per legitima constabat documenta, ad dicendum et opponendum quicquid dicere seu opponere volebat, verbo aut in scriptis contra dictam nobis factam commissionem, per certum domini nostri papae cursorem citari mandavimus et fecimus ad certum peremptorium terminum competentem. In quo quidem termino praelibato magistro Johanne Scrinan. procuratore nomine procuratorio quo supra coram nobis iudicialiter comparente et contra dictam commissionem verbo generaliter excipiente, deinde vero nos praefatis magistris Rotero de Balhorn instanti ex una et Johanni Scrinan. supervenienti ex adverso procuratoribus hinc inde praesentibus et consentientibus ad dandum et recipiendum libellum sive petitionem summariam in hac causa certum peremptorium terminum competentem duximus praefigendum. Termino igitur huiusmodi adveniente comparuit in iudicio coram nobis magister Roterus de Balhorn procurator praedictus procuratorio nomine quo supra dictique magistri Johannis Scrinan. ex adverso procuratoris non comparentis nec aliquem libellum sive petitionem summariam in huiusmodi causa dari aut exhiberi videre curantis contumaciam accusans ipsumque pro contumace reputari petens et in eis contumaciam quandam petitionem summariam pro huiusmodi termini satisfactione in scriptis offerens huiusmodi sub tenore: ,Petit procurator et procuratorio nomine venerabilium et religiosorum virorum dominorum abbatis et conventus monasterii Sanctae Coronae ordinis Cisterciensis Pragensis diocesis praedictorum per vos reverendum patrem dominum Nicolaum electum Potentinum sacri palatii apostolici causarum et huiusmodi causae auditorem ac vestram sententiam diffinitivain pronuntiari, decerni et declarari per reverendum patrem dominum Bertrandum episcopum Eugubinum vostrum coauditorero alias in huiusmodi causa bene et legitime fuisse et esse processuna, sententiatum et diffinitum, eiusque sententiam confirmandam fore et per vos confirmari, ab ipsoque reverendo patre domino Bertrando episcopo et eius sententia pro parte Johannis Benessij praepositi ecclesiae sancti Petri Wissegradensis prope Pragam adversam in hac causa male fuisse et esse appellatum, ipsumque Johannem Benessij praepositum praedictum in fructibus in bonis in libello pro parte dictorum dominorum abbatis et conventus oblato a tempore prolationis dictae sententiae et in expensis in hac instantia factis legitime condempnandum fore et per vos condempnari de fructibus percipiendis et expensis faciendis protestatur, et alias in, de et super praemissis omnibus et singulis coniunctim et divisim sibi fieri petit iustitiae complementum, super ipsis etiam vestrum benignum officium humiliter implorando, salvo iure addendi, minuendi, corrigendi et alium si opus fuerit libellum de novo dandi etc., seu quolibet iuris beneficio sibi salvo. Et protestatur ut fuit et est moris atque stili praedicti palatii apostolici causarum etc‘ Nos tunc dictum magistrum Johannem Scrinan. procuratorem non comparentem nec huiusmodi termino satisfacere curantem, licet sufficienter et usque ad horam debitam expectatum, reputavimus merito contumacem, in eiusque contumaciam dictis magistris Rotero instanti et petenti nec non Johanni Scrinan. ex adverso ibidem supervenienti hinc inde procuratoribus praesentibus ac volentibus, quia ex speciali commissione summarie etc. procedebatur in huiusmodi causa, ad iurandum et deliberandum, iurarique et deliberari videndum de calumpnia vitanda et veritate dicenda tam super dicto libello quam tota causa huiusmodi cum omnibus et singulis capitulis in et sub calumpniae iuramento contentis certum peremptorium terminum competentem duximus statuendum. Adveniente igitur termino huiusmodi comparente in iudicio coram nobis magistro Rotero de Balhorn procuratore praedicto procuratorio nomine quo supra dictique magistri Johannis Scrinan. ex adverso procuratoris non comparentis nec aliquod calumpniae iuramentum in huiusmodi causa praestare aut praestari videre curanti.s contumaciam accusante, ipsumque contumacem reputari et in eius contumaciam se ipsum ad calumpniae iuramentum in huiusmodi causa praestandum more solito admitti per nos instanter postulante, nos tunc praefatum magistrum Johannem Scrinan. procuratorem non comparentem nec huiusmodi termino satisfacere curantem licet sufficienter expectatum reputavimus quoad actum et terminum huiusmodi prout erat suadente iustitia contumacem et in eius contumaciam dictum magistrum Roterum de Balhorn procuratorem hoc petentem ad calumpniae iuramentum praestandum more solito duximus admittendum. Qui sic admissus statim ad mandatum nostrum et in manibus nostris tactis sacrosanctis scripturis ad sancta dei evangelia solitum calumpniae praestitit iuramentum. Quo praestito iuramento praelibatis magistris Rotero de Balhorn instanti et Johanni Scrinan. supervenienti ibidem ex adverso procuratoribus hincinde praesentibus et consentientibus ad ponendum et articulandum, ponique et articulari videndum in hac causa certum peremptorium terminum competentem curavimus assignare. Huiusmodi siquidem termino occurrente, comparentibus coram nobis in iudicio magistris Rotero de Balhorn ex una et Johanne de Scrinanis procuratoribus hinc inde praedictis procuratoriis nominibus quibus supra parte ex altera, iidem procuratores omnes et singulos positiones et articulos in prima huiusmodi causae instantia pro partibus suis datos hinc inde repetierunt, ipsosque hic de novo exhibuerunt. Nos tunc dictis procuratoribus hinc inde petentibus et audientibus ad dicendum et opponendum, quicquid dicere seu excipere volebant, verbo aut in scriptis contra praetactos partis alterutrius positiones et articulos, in quantum articuli nec non eisdem respondendum in quantum positiones existebant, certum peremptorium terminum condecentem duximus statuendum. Occurrente itaque termino huiusmodi per dictos magistros Roterum de Balhorn exceptionibus pro parte sua contra positiones et articulos partis sibi adversae in alia huiusmodi causae instantia datis repetitis ex una et Johannem de Scrinanis procuratores hinc inde praedictos procuratoriis nominibus quibus supra coram nobis iudicialiter comparentes parte ex altera nonnullis exceptionibus in scriptis contra positiones et articulos pro parte sibi adversa in eadem causa datos oblatis, nos deinde ad supradicti magistri Roteri Balhorn procuratoris instantiam magistrum Johannem Scrinan. procuratorem ex adversa praedictum ad producendum et produci videndum omnia et singula iura, acta, literas, scripturas instrumenta et munimenta, quibus partes hinc inde in praesenti causa uti et se iuvare volebant, per unum de dicti domini nostri papae cursoribus citari mandavimus et fecimus ad certum peremptorium terminum competentem, eundem terminum ad actum consimilem eidem magistro Rotero procuratori id petenti et parti suae nichilominus assignando. In quo quidem termino comparentes iudicialiter coram nobis magistri Roterus de Balhorn ex una et Johannes Scrinan. procuratores hinc inde praedicti procuratoriis nominibus quibus supra parte ex altera et huiusmodi termino satisfaciendo omnia et singula iura, acta, literas, scripturas, instrumenta et munimenta pro partibus suis in prima praesentis causae instantia data hinc inde repetierunt, eaque hic de novo reproduxerunt. Nos tunc eisdem procuratoribus instantibus hinc inde et intelligentibus ad dicendum et proponendum, quitquid dicere seu proponere volebant verbo aut in scriptis contra iamdicta iura et munimenta ut praemittitur pro parte alterutra producta certum peremptorium terminum competentem duximus praefigendum. Quo quidem termino veniente comparuerunt in iudicio coram nobis magistri Roterus de Balhorn omnes et singulas exceptiones pro parte sua contra iura et munimenta partis sibi adversae in huiusmodi causa datis repetendo ex una; et Johannes Scrinan. procuratores hinc inde praedicti procuratoriis nominibus quibus supra parte ex altera quasdam exceptiones reales contra iura et munimenta pro parte sibi adversa data in huiusmodi causa exhibenda. Subsequenter vero nos saepedicto magistro Rotero de Balhorn procuratore instante magistrum Johannem (de) Scrinanis procuratorem ex adverso praedictum ad declarandum et declarari videndum, quicquid partes hinc inde declarare, vellent in hac causa per unum de ipsius domini nostri papae cursorem (sic, cursoribus) citari mandavimus et fecimus ad certum peremptorium terminum congruentem, quem terminum etiam praefato magistro Rotero procuratori et parti suae curavimus ad idem assignare. Adveniente igitur termino huiusmodi comparentibus in iudicio coram nobis magistris Rotero de Balhorn ex una et Johanne de Scrinanis procuratoribus hincinde praedictis procuratoriis nominibus quibus supra parte ex altera idem magister Roterus procurator dixit se nichil velle declarare, ex adverso vero magister Johannes Scrinan. procurator nonnullos positiones et articulos loco declarationum in scriptis obtulit atque dedit, contra quos per praefatum magistrum Roterum de Balhorn procuratorem in quodam certo peremptorio sibi ad hoc statuto termino realiter coram nobis exceptato, quibus etiam ad praefati magistri Johannis Scrinan. procuratoris instantiam ad probandum in Romana curia servatis servandis per nos admissis. Tandem vero comparentibus coram nobis in iudicio magistris Rotero de Balhorn ex una et Johanne Scrinan. procuratoribus hinc inde praedictis procuratoriis nominibus quibus supra parte ex altera idem magister Roterus procurator una secum in praesenti causa concludi et pro conclusa haberi per nos instanter postulavit, quantumque in eo fuit et erat sponte concludens in eadem, nos tunc una cum ipso magistro Rotero procuratore praesente concludente et secum concludi petente conclusimus ac habuimus et habere volumus in praesenti causa pro concluso, servata tamen nobis tunc potestate huiusmodi conclusionem revocandi, si nobis imposterum visum fuisset expedire. Demum vero comparentibus coram nobis in iudicio magistris Rotero de Balhorn ex una et Johanne Scrinan. procuratoribus hinc inde praedictis procuratoriis nominibus quibus supra parte ex altera et eodem magistro Rotero procuratore diffinitivam pro se et parte sua ac contra dictam partem sibi adversam iuxta et secundum tenorem petitionis pro eadem parte sua ut praenarratur oblatae in praesenti causa ferre sententiam per nos instanter postulante, nos tunc visis tamen primitus et diligenter inspectis omnibus et singulis actis, actitatis, litteris, scripturis, iuribus, instrumentis et munimentis, testiumque depositionibus tam in prima quam in huiusmodi secunda praesentis causae instantiis habitis, exhibitis et productis, eisque cum diligentia debita recensitis, de dominorum nostrorum coauditorum consilio et assensu, quibus de huiusmodi causae meritis relationem plenariam fecimus et fidelem, habitaque intra nos et eos desuper deliberatione matura iuxta ea, quae vidimus et cognovimus ac de praesenti cognoscimus et videmus, ad nostram diffinitivam in huiusmodi causa proferendam sententiam duximus procedendum et processimus, eamque pro parte dicti Roteri de Balhorn procuratoris et contra dictam partem sibi adversam in scriptis tulimus et praesentibus ferimus in hunc modum. Christi nomine invocato pro tribunali sedentes et habentes prae oculis solum deum de dominorum nostrorum coauditorum consilio et assensu per hanc nostram diffinitivam sententiam, quam ferimus in hiis scriptis, pronuntiamus, decernimus et declaramus, per reverendum patrem dominum Bertrandum episcopum Eugubinum coauditorem nostrum in huiusmodi causa bene fuisse et esse processum, sententiatum et diffinitum, eiusque sententiam confirmandam fore et confirmamus, ab ipsoque reverendo patre domino Bertrando episcopo et coauditore nostro et eius sententia pro parte praefati domini Johannis Benessij praepositi ecclesiae sancti Petri Wissegradensis male fuisse et esse appellatum, ipsumque dominum Johannem praepositum in fructibus perceptis a tempore dictae latae sententiae citra ex bonis huiusmodi ac in expensis coram nobis in huiusmodi causa legitime factis condempnandum fore et condempnamus, quarum expensarum taxationem nobis imposterum reservamus. Lecta, lata et in scriptis promulgata fuit haec praesens diffinitiva sententia per nos Nicolaum electum et auditorem praefatum Romae apud sanctum Petrum in palatio causarum apostolico, in quo iura reddi solent, nobis inibi mane hora causarum ad iura reddendum et praesertim pro sententiis ferendis in loco nostro solito pro tribunali sedentibus, sub anno domini millesimo trecentesimo nonagesimo quarto, indictione secunda, die sabbati undecima mensis Aprilis, pontificatus sanctissimi in Christo patris et domini nostri domini Bonifatij divina providentia papae noni praedicti anno quinto, praesentibus discretis viris magistris Henrico Kunonis nostro scriba et Johanne de Castellion. notariis publicis clericis Maguntinensis et Mediolanensis dioceseum testibus ad praemissa vocatis specialiter et rogatis. Postremo vero comparuit in iudicio coram nobis magister Roterus procurator praedictus quo supra nomine expensas praedictas pro parte sua in huiusmodi causa factas taxari et moderari praesente magistro Johanne procuratore ex adverso praedicto nec causam aliquam rationabilem, quare minimae taxari et moderari debebant, allegante per nos instanter postulavit. Nos autem Nicolaus electus et auditor praefatus expensas praedictas ad quinquaginta florenos de camera dicti domini nostri papae boni auri et iusti ponderis per praefatum dominum Johannem principalem supradictis dominis abbati et conventui monasterii Sanctae Coronae ex adverso principalibus seu eorum legitimo procuratori solvendos et tradendos fore realiter et cum effectu ratione et occasione expensarum praedictarum provida moderatione praehabita in scriptis taxavimus et taxamus per praesentes, recepto tamen primitus ab eodem magistro Rotero procuratore et per ipsum ad mandatum ||
Signum Tabellionatus||
nostrum in nostris manibus tactis per eum manualiter scripturis sacrosanctis ad sancta dei evangelia corporali praestito iuramento, se et partem suam tantum et ultra expendidisse seu necessario expendere habere in et pro lite et causa antedictis. In quorum omnium et singulorum fidem et testimonium praesentes nostrarum diffinitivae sententiae et taxationis expensarum litteras seu praesens publicum instrumentum huiusmodi nostras diffinitivam sententiam et expensarum taxationem in se continentes seu continens exinde fieri et per Nardum notarium publicum nostrumque et huiusmodi causae coram nobis scribam infrascriptum subscribi et publicari mandavimus, nostrique sigilli iussimus appensione muniri. Taxatae vero fuerunt huiusmodi expensae per nos Nicolaum electum et auditorem praefatum Romae in palatio causarum apostolico praedicto nobis inibi mane hora causarum ad iura reddendum in loco nostro solito pro tribunali sedentibus sub anno et indictione quibus supra die Mercurii secunda mensis Decembris, pontificatus dicti domini nostri domini Bonifatii papae noni anno sexto, praesentibus ibidem discretis viris magistris Henrico Kunonis et Petro Petri de Eppiche notariis publicis scribisque nostris, clericis Maguntinensis et Argentinensis dioceseum, testibus ad praemissa vocatis specialiter et rogatis.||
Et ego Nardus de Cathino clericus Romanus publicus apostolica et imperiali auctoritatibus notarius dictique reverendi patris et domini Nicolai de Viuianis electi et auditoris praefati causaeque huiusmodi coram eo scriba, quia praedictis diffinitivae sententiae prolationi et promulgationi dictarumque expensarum taxationi, omnibusque aliis et singulis supradictis dum sic ut praefertur agerentur et fierent una eum praenominatis testibus praesens interfui, eaque omnia et singula praemissa sic fieri vidi et audivi, ideoque hoc praesens publicum instrumentum per alium me aliis occupato negotiis fideliter scriptum de mandato dicti domini electi et auditoris subscripxi (sic), publicavi et in hanc publicam formam redegi, signoque meo solito et consueto auctoritate apostolica commutato una cum appensione sigilli dicti domini electi et auditoris signavi, rogatus et requisitus in fidem et testimonium omnium et singulorum praemissorum.

Source Fulltext: PANGERL, Goldenkron (=FRA II/37, Wien 1872) S. 242-250