Nos fratres Johannes prior, Nicolaus cellerarius, Nicolaus granarius, totusque conventus monasterii Spineae Coronae ordinis Cisterciensis Pragensis dyocesis tenore praesentium publice recognoscimus coram omnibus maxime vero coram patribus reverendis ordinis nostri, quod cum reverendus pater dominus Johannes abbas Plassensis ac visitator noster naturalis monasterii ad monasterium nostrum tam in spiritualibus quam in temporalibus desolatum invenisset (sic, advenisset), ut reformaret reformanda tam in capite quam in membris iuxta ordinis disciplinam et iuxta officium et curaret sibi detecta (?), eundemque dominum dominum venerabilem Leonardum abbatem praetacti monasterii minime domi comperit, praefatus dominus reverendus visitator noster iuris ordinem conservare volens nos praetactos fratres paterno favore exhortans dicens: si aliqua essent corrigenda tam in capite quam in membris, iuxta ordinis disciplinam sibi innotescerent. Nos vero praetacti fratres iustam et honestam decernentes exhortationem, reverendo patri nostro visitatori statum domus innotuimus tam in spiritualibus quam in temporalibus, in quantum valuimus. Primo et principaliter incusando venerabilem dominum Leonardum abbatem nostrum infrascriptos articulos, maxime vero quod ivit ad curiam Romanam contra principes katholicos, ibidem statum ecclesiae regni Bohemiae impedivit, monasterium vero suum ultra censum annualem obligavit et indebitavit, substantiam monasterii enormiter dilapidavit. Insuper ducitur (?) periurus reverendo domino domino decano Pragensis ecclesiae, quemadmodum per ipsum dominum erat incarceratus, eidemque praestitit iuramentum, nuncquam velle adhaerere haereticis amplius et scismaticis. Secundo generoso domino domino Johanni de Ros(enberg) quamquidem praestitit iuramentum in facie ecclesiae et spopondit sub iureiurando equitare cum eodem domino generoso in Krummaw, minime fecit, possessiones in Crum. perpetue alienavit videlicet agros eultos et incultos. Insuper monasterii clenodia ad manus secularium tradidit, eaque alienavit, partemque secum abstulit. Computationes vero annuales patribus et fratribus minime fecit neque statum domus visitatori innotuit. Super hoc sanctam Romanam ecclesiam unacum sanctissimo blasphemavit, asserens se interfuisse nuptiis filiae sanctissimi. Insuper censuras, excommunicationes, aggravationes pro nichilo duxit in conspectu secularium, sed reprobavit et annichilavit, latius sanctam Romanam ecclesiam in sacris liquoribus defraudavit, tradens eos haereticis et scismaticis super Hlubokam¹ Metkoni, eidemque haeretico filium de fonte baptismatis levavit. Insuper haereticis et scismaticis defensoria et adiutoria impendit, eisque balistas (et) pixidem in Prachaticz ministravit. Testamentum seculare recepit, de quo monasterio plura dampna intulit. Insuper saepedictus abbas induxit purchgravium in Krumnaw, quod bona monasterii deberent domino generoso proscribi per dominum sanctissimum, inducens eum in hanc formam, ex quo dominus generosus pugnat pro fide katholica et contra perfidos haereticos et pauca stipendia distribuuntur, per sanctissimum iure et licite proscribentur bona monasterii Sanctae Coronae. Insuper nos secundum deum (?)² fratres publice profitemur coram universis, quod praetactos articulos probamus et proni ad probandum stabimus, ubicunque locorum necessarium fuerit, iuxta conscientias nostras et salva ordinis disciplina. In cuius rei testimonium has literas sigillo nostro maiori roboramus. Datum anno domini etc. LXXII. quarta feria post festum sancti Francisci confessoris.

Source Fulltext: PANGERL, Goldenkron (=FRA II/37, Wien 1872) S. 516-517