Johan vnde virich, broder, von godes gnade hertogen to Mekelenborg. Wetet Burgermesler, Radman vnde gantze Meenheit to prempslow, alze gi vns in Sunte katherinen dage huldegeden vnde zworen enen eet vppe dem karenberge, dat gi vnse pand wesen wolden so lange, wente gi vns Sostich dusent schok geuen, dissen eet hebbe gi vns mene sworen vnde hebben vns dat nicht geholden, alse gi vns huldigeden, sworen vnde loueden, dar wii iw von der tiid her alle jar in Sunte katherinen dage orkunde dar as gedan hebben in vnsen breuen vnde hebben iw dar vrome gemanet vnde gi treden von vns to vnsen broderen den Stetinschen heren, dar gi iw to setteden, vorbreueden, vnde nu hebbe gi ouer vort an mid schanden von em getreden, alze gi von vns treden vnde alse wii irvaren hebben, io hebbe gi dem borchgreuen huldeget vnde zworen, alze iuwen erfheren aldus hebbe gi der schanden staf, dar gi mede springen, wen gi willen: hir vmme, alse wii iw ir vaken von iare to iaren manet hebben in Sunte katherinen dage, so vor mane wii iw noch vnde manen, nu gi enen erfheren hebben, dat gi iw von vns breken vnde vorherden in den schanden lenger nicht vnde eruen de iuwen kinderen nicht: wente dat wii iw aldus lange nicht geveidet hebben, dat hebbe wii laten vmme vnser broder der Stetinschen heren willen, nu derue wii dat vmme eren willen lenger nicht laten, dar vmme breket iw mid eren von vns. Schut dat nicht, so mote wii vnser frunt, heren vnd bedderuer lude dar to neten, de vns dat helpen manen, dat gi vns so vele holden, also gi vns louet, huldeget vnd sworen hebben. Geuen vnder vnsem hertoge johans jngeCegel, des wii beide broken. Dem Burgermesteren, Radmannen vnde gantze Mennheit to premps low kome vnser briss.

9tac$ tern Originals.