Wi Woldemer vnde Johan, maregreueu tu Brandenburg, geuen ok schult vnseme omen, konyng Erike van Denemarken, dat hie vns en truwen louet heft vnde vs fine briue geuen heft, dat hie vse vient nicht werden scholde dorch iemant, dat he vnse vient worden is vnde vnser hulpere, des hebbe wi groten schaden. Tu deffer schult antwerdet die koning von Dene marken aid us, dat hie nen vient enne wart vnde node vient worden weren, mer dat die marc- greuen alrest sine viende worden vnde eme die sone breken vnde vorunrechteden ene, alse in finer irsten antwerde ghescreuen is. Hir vp spreke wi her Droyseco vnde her Henning von Blanken- borch, her Buffo von der Dolla, her Jurius Hasencop bi vnsen truwen vnde bi vnsen eden, dath dit rech is vnnde nen rechtere enen wethen, noch bevragene kunnen: nha dem male, dat die koning versaket, dat hie nen vient wart vnde node vient worden were, wes dat die koning vorstan mit sinem ede vppen hiligen, dat hie edder neman von finer wegen die maregreuen vnde ere man vnde ere hulpere angrepen hebben, dat hie des wol vnschuldich werden mach mit sineme ede vppen hilligen, vnde hengen alle vire hir an tu tuighe vnse insegle.