am 8. December 1476.

Albrecht etc. (Wirdiger*) Lieber getrewer. (Ewr*) dein schreiben, das (ir*) du vns yczund getban haft, die Probstei zu Stutgarten berurend, haben wir vernomen vnd schicken dir hiebej furderbrief an vnsem Sweher, graf VIrich, Auch an vnser lieb tochter von Wirtemberg vnd an Jorgen vonabsperg, Ritter, lanthofmeister doselbst, dorjn wir nach deinem begem schreiben vnd bitten nach der besten form: dann wir dir mit furdrung vnd gnaden wol genaigt find. Datum Onoltz- pach, Am dinstag nach Concepcionis marie [Sine anno).

(An den Wirdigen*) vnsem lieben getrewen (herrn*) Johannsen vonBrandburg etc.

Lieber Sweher. Vnsers bruders, Marggrafe Johannsen seliger, naturlicher Son hat vns yczund geschriben, wie ewr lieb in Inligendem seinem brifF vornemen wurdt. Nu sein wir dem- selben mit gnaden vnd furdrung sunderlich wol genaigt vnd Biten mit vleys gar gutlich ewr lieb, ir wollet Ine gnediglich zu solcher Brobstei kommen vnd Ine vnsers lieben bruders, Margrafe Jo hannsen seligen, Auch diser vnser vleissiger furbete hirjn genyessen laflen, als wir besunders gutes vertrawen haben an derselben ewr lieb, vmb die wir das gem freuntlich verdienen wollen. Datum Onoltzpach, am dinstag nach Concepcionis Marie MCCCCLXXVI. An den von Wirtemberg, graf vlrich.

Liebe tochter. Vnser lieber bruder, Marggrafe Johanns seliger, hat einen naturlichen (luchter*) son gelassen, der ist bej vnserm herrn vnd oheim dem Cardinal von Mantua zu Rom etlich zeyt gewesen vnnd noch (vnnd (ich do, als wir bericht werden, in der redlichkeit ge- halten*). Nu hat er vns yczund geschriben, wie er nach abgang des probsts zuStutgart durch vnsem heiligen vater den babst mit derselben probltej begnadet vnd versehen sej, vns bitend vmb furdrung an vnsem lieben Sweher graf vlrich, Ine gnediglich darzn kommen zu laffen, des wir Im an den genanten vnsem lieben Sweher vnser furbet vnd furdrung hiebej mitteilen. So wir dann vast genaigt sein, das Im solch vnser furbete mocht fruchtbarlich erschieflen, als vns an vnserm lieben Sweher gancz nicht zweyfelt, So biten wir doch, ewr lieb wolle vmb vnsem willen des bej seiner lieb auch vleissige fiirbeterin vnd furderin sein, damit er gnediglich zugelassen werd, doran beschicht vns von euch freuntlichs wolgefallen, veterlich zu uergleichen etc. Datum Onoltzpach, am dinstag nach Concepcionis Marie MCCCCLXXVI. An fraw Elsbethen von Wirtemberg.

2>!itt&eilung brt tfonigl. &tf). 3tr^i*rat^e« Jperrn Dr. Tlatxdtx.

(*) 3)ur4>ftri<$en.

104