Wie Woldemer, von der genade godis marcgreue tu Brandenburg vnde tu Lusitz, bekennen vnde betugin in deseme openen brieue, dat wie mit vseme lieuen orae, koning Erike von Denemarken, vnde mit vnseme lieuen swagere, hern Heinrik van Mekelborch, gede- gedinget hebbin, als hir nah gescreuin steit, dat wie en en trvwen gelouit hebbin, dat wi ewelken bi en bliuen scolin, wie vnde vse erfname, den wie nu hebbin vnde den vns got noch gheuin wil, vnde scolin en vnde ere erfname, die sie nu hebbin vnde die en noch werdin mogin, dat ganz boldin vnde scolen vns nimmer von in schiedin durch niemanne. Wie hebbin vs ok an beiden sit vorbunden bi namen vp hern Jane von Wenden den eldesten vnde en trvwin gelouit, also swan vnser ein densuluen von Wenden angripen wil, die seal dat deme anderen vier weken vore weten laten, so scole wie en vppe densuluen dach angripen beidersit mit aller macht; were auer, dat he vser en irst angrepe: wanne he dat dede, so scole wie ene beidersit angripen alte hant, wan vns dat tu wetende wert. Vser nien seal sik ok mit erne sonen noch vreden, he en hebbe deme koninge vnseme ome vnde deme van Mekelborg, vseme swagere, ere brieue weder geuin vnde

17

des louedis losgelatin, dat sie vnde ere borgin louit hebbin, vnde en hebbedatlant tu dem caland

weder antwerdet vor die tveidvsint mark lodigbes suluers, dar dat erne voresteit, vnde he en hebbe

hern Redeke von Redere sin suluer weder geuin, dar he vor beschat is, vnde den von der

coste dridusint mark lodighes suluers. Vm den dotslach, die gescheen is tuischen den von Wendin

vnde den von der Oft, dar seal man vmine dun, wat die koning vse ome vnde wie vnde vse

swagber van Mekelborg spreken. Mochte vse ome die koning dar nicht tu komin, so scallt an

vs vnnd an vnsen swagber von Mekelborg stan. Wat vromin wie beidersit irweruen mit dege-

dingen oder mit orleghe bouin dat hir vorescreuen steit, die seal vses omes des koninges vnd vses

swageres von Mekelborg like half fin vnde vse half sin; wat auer an stride oder an stritliken

dingen wie beidersit vromen beheppin, den seal man dielen na mantale. Were vser en darmede,

die seal den bestin vangen ane herren tu voren hebbin. Buwe wie oder winne wie vesten: wo

wie die winnen oder buwen malk allene oder tusamene in sineme lande oder in finer hulpere lande,

die scole wie beidersit like dielen half vnde half. Wie scolin ok beidersit die kost like dragin vnd

dignifle like vpborin. Hirvt neme wie den iungen hern Jane von Wendin, oft he dar vte

wesin wil. Wold ok ieman des olden hern Janes von Wenden hulper werdin die dar dorvs

nieht latin wolde, des vyant scole we beidersit werdin. Dat wie dit ganz holdin, dat hebbe wie

en trvwin gelouit beidensit vnde die pant scolin ok davore stan, die wie vore vnder vs gesat hebbin,

a Is in den brieuin steit, die vore tuischen vs gheuin sint. Dartu hebbe wie vseme ome vnde vseme

swagere dese riddere gesat: greuen Gunthere von Keuerberg, Droyseken, Redcken von

Redere, Henning von Blankeriborch, Hannes von Crochere vnde Ansem von

Blankenborch. In desen dingen neme wie vnsen omen, hertogen Rodolf von Sassen, beidersit.

Hirvp geue wie desen brieff, besegelt mit vnseme insegell vnde is geschen tu Hauelberg, na

der bort godis dusint iar, drihundert iar, achtein iar, in sunte Ambrolii daghe.

9iad) einer amtltdben abfd)rift be8 int ©djweriner fflroffterjogt. Stance berubenben Originate, bom ®e&. SRatb Son Jtrodjcr mitgetbeilt.